ମହିଳାଙ୍କ ନିକଟରୁ ଗଞେଇ ଜବତ; ମହିଳା ଗିରଫ

ଓଡ଼ିଆ ନ୍ୟୁଜ,(ବ୍ୟୁରୋ): ମହିଳାଙ୍କ ନିକଟରୁ ଗଞେଇ ଜବତ | ଭୁବନେଶ୍ୱରରୁ ବାଲେଶ୍ୱର ଯାଉଥିବା ଏକ ଯାତ୍ରୀବାହୀ ବସରୁ ଗଞେଇ ଜବତ।ମହିଳା ଗିରଫ। ସୂଚନା ଅନୁସାରେ ଭୁବନେଶ୍ୱରରୁ ବାଲେଶ୍ୱର ଯାଉଥିବା ଏକ ଘରୋଇ ବସରେ ଉଦଳା ଅଞ୍ଚଳର ଜଣେ ମହିଳା ଯାତ୍ରା କରୁଥିଲେ।

ମହିଳାଙ୍କର ମନିପର୍ସ ଚୋରି ହୋଇଯାଇଥିବାରୁ ବାଲେଶ୍ୱର ଜିଲ୍ଲା ଖନ୍ତାପଡା ଥାନା ନିକଟରେ ବସ ଅଟକାଇ ଥାନାରେ ଅଭିଯୋଗ କରିଥିଲେ।ପୋଲିସ ଅଭିଯୋଗ ଅନୁସାରେ ବସ ଭିତରେ ଖୋଜାଖୋଜି କରିବା ସମୟରେ ଗଞେଇ ଚାଲାଣ ହେଉଥିବା ଜାଣିବାକୁ ପାଇଥିଲା।

ହଜିଥିବା ମନିପର୍ସ ମିଳିଲା କି ନାହିଁ ଜଣାନାହିଁ,କିନ୍ତୁ ବସ ଭିତରୁ ୬କେଜିରୁ ଅଧିକ ଓଜନର ଗଞେଇ ଜବତ କରିଛି ପୋଲିସ।ଛାନଭିନ ପରେ ଜବତ ଗଞେଇ ଫୁଲବାଣି ଅଞ୍ଚଳର ଜଣେ ମହିଳା ନେଇକରି ଯାଉଥିବା ଜାଣିବାକୁ ପାଇଥିଲା ଖନ୍ତାପଡା ପୋଲିସ। ଗଞେଇ ଜବତ କରିବା ସହ ସମ୍ପୃକ୍ତ ମହିଳାଙ୍କୁ ଗିରଫ କରିଛି ପୋଲିସ।