ମୟୁରଭଞ୍ଜରେ ସିରିଜ ଦୁର୍ଘଟଣା
ଓଡ଼ିଆ ନ୍ୟୁଜ,(ବ୍ୟୁରୋ): ସିରିଜ୍ ଦୁର୍ଘଟଣାରେ ୨ ବାଇକ୍ ଆରୋହୀଙ୍କ ମୃତ୍ୟୁ । ତିରିଂ ଥାନା ବଡତାଳିମା ଛକରେ ସୋମବାର ଏହି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ୨ଟି ବାଇକ୍ କୁ ଟ୍ରକ ଚାପି ଦେଇଛି । ଗୋଟିଏ ପରେ ଗୋଟିଏ ବାଇକ୍ କୁ ଧକ୍କା ଦେଇଥିଲା ଟ୍ରକ । ଫଳରେ ୨ ଜଣଙ୍କ ମୃତ୍ୟୁ ହୋଇଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିଛି ।
ତେବେ ସୂଚନା ମୁତାବକ, ରାଇରଙ୍ଗପୁର ଥାନା ତିରିଂ ଥାନା ବଡ଼ତାଳିମା ଛକରେ ଆଜି ସକାଳେ ଏହି ଦୁର୍ଘଟଣା ଘଟିଛି। ରାଇରଙ୍ଗପୁର ଅଭିମୁଖେ ଦୁଇଟି ବାଇକ୍ ଆଗପଛ ହୋଇ ଯାଉଥିଲେ। ଉକ୍ତ ସମୟରେ ପଛ ପଟୁ ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ବାଇକ୍ ଦୁଇଟିକୁ ଜୋରରେ ଧକ୍କା ଦେଇଥିଲା। ଏହାପରେ ଟ୍ରକ୍ଟି ଆଗରେ ଯାଉଥିବା ଏକ ଅଟୋକୁ ପିଟିଥିଲା। ଏହି ଦୁର୍ଘଟଣାରେ ଜଣେ ବାଇକ୍ ଚାଳକ ଓ ଅଟୋ ଚାଳକ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ତୁରନ୍ତ ଉଭୟଙ୍କୁ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ମେଡିକାଲକୁ ପଠାଇଥିଲେ।
ସେଠାରେ ବାଇକ୍ ଚାଳକଜଣକ ଚିକିତ୍ସିତ ହେଉଥିବା ବେଳେ ଅଟୋ ଚାଳକଙ୍କୁ ବାରିପଦାସ୍ଥିତ ପିଆରଏମ୍ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି। ଉଭୟଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି। ଏହି ଦୁର୍ଘଟଣାର ସମ୍ମୁଖୀନ ହୋଇଥିବା ଅନ୍ୟ ଜଣେ ବାଇକ୍ ଚାଳକଙ୍କ ଗାଡ଼ି ଟ୍ରକ୍ ଧକ୍କାରେ ଚୁରମାର ହୋଇ ଯାଇଛି। ମାତ୍ର ଦୂରକୁ ଛିଟିକି ପଡ଼ି ସେ ବର୍ତ୍ତୀ ଯାଇଛନ୍ତି ।