ମଧ୍ୟପ୍ରଦେଶରେ କଂଗ୍ରେସ ଉପରେ ବର୍ଷିଲେ ଶାହା

ଓଡ଼ିଆ ନ୍ୟୁଜ୍ (ବ୍ୟୁରୋ): ମଧ୍ୟପ୍ରଦେଶରେ ନିର୍ବାଚନ ପାଖେଇ ଆସୁଥିବାରୁ ରାଜନୈତିକ ମୈଦାନ ସରଗରମ ହେବାରେ ଲାଗିଛି । ଏହାରି ଭିତରେ ରବିବାର ଭାଜପା ତାର ପ୍ରଚାର ଆରମ୍ଭ କରିଛି। ଇନ୍ଦୋରରେ ଅନୁଷ୍ଠିତ ଏକ ସମ୍ମିଳନୀରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କଂଗ୍ରେସକୁ ଟାର୍ଗେଟ କରିଛନ୍ତି। ଶାହା କହିଛନ୍ତି, ମିଷ୍ଟର ବଣ୍ଟାଧାର ଏବଂ ଦୁର୍ନୀତିନାଥ କୌଣସି ନୂତନ ଶିଳ୍ପ ଆଣିପାରି ନାହାନ୍ତି। ସେମାନେ କେବଳ ସ୍ଥାନାନ୍ତର ଶିଳ୍ପ ଆରମ୍ଭ କରିପାରିବେ। ଡବଲ ଇଞ୍ଜିନ ସରକାର ମଧ୍ୟପ୍ରଦେଶକୁ ଦେଶର ଏକ ନମ୍ବର ରାଜ୍ୟରେ ପରିଣତ କରିବ।

ଶାହା କହିଛନ୍ତି ଯେ, କଂଗ୍ରେସ ସରକାର ସମୟରେ ପାକିସ୍ତାନରୁ ଲୋକ ଆସି ଗୁଳି ଚଳାଇବା ପରେ ଚାଲିଯାଉଥିଲେ। କିନ୍ତୁ ଏବେ ଆମ ସେନା ପାକିସ୍ତାନ ଘରେ ପ୍ରବେଶ କରି ଆତଙ୍କବାଦୀଙ୍କୁ ବିନାଶ କରୁଛି। ପ୍ରଧାନମନ୍ତ୍ରୀଙ୍କ ଦୃଢ ଇଚ୍ଛାଶକ୍ତି ହେତୁ ଏହା ଘଟିଛି।