ରାଜ କୁନ୍ଦ୍ରାଙ୍କୁ ଜାମିନ୍ ମିଳିବା ପରେ ଏପରି ପୋଷ୍ଟ କଲେ ଶିଳ୍ପା ଶେଟ୍ଟୀ, ଲୋକେ ବି କନଫ୍ୟୁଜ୍

ଅଶ୍ଲୀଳ ଭିଡିଓ କରି ବିକ୍ରି କରୁଥିବା ଅଭିଯୋଗରେ ଗିରଫ ହୋଇଥିବା ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ ଗତକାଲି ଜାମିନ୍ ମିଳିଛି । ୬୨ ଦିନ ପରେ ରାଜ କୁନ୍ଦ୍ରା ଜେଲରୁ ବାହାରକୁ ଆସିଛନ୍ତି । ୫୦ ହଜାର ଟଙ୍କାର ମୁଚଲକେରେ ରାଜଙ୍କୁ ଜାମିନ ଦେଇଛନ୍ତି କୋର୍ଟ ।

ରାଜ କୁନ୍ଦ୍ରାଙ୍କ ଜେଲରୁ ମୁକୁଳିବା ଖବର ଶୁଣିବା ପରେ ଅଭିନେତ୍ରୀ ଶିଳ୍ପ ଶେଟ୍ଟୀ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛନ୍ତି । ଶିଳ୍ପା ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ ପଜିଟିଭ୍ ପୋଷ୍ଟ ସେୟାର କରି ନିଜର ଭାବନାକୁ ପ୍ରକାଶ କରିଛନ୍ତି । ଏହି ପୋଷ୍ଟକୁ ଦେଖି ଲୋକଙ୍କୁ ଲାଗୁଛି ଯେ, ବର୍ତ୍ତମାନ ଶିଳ୍ପା ଶାନ୍ତିରେ ନିଶ୍ୱାସ ମାରିଛନ୍ତି । ସେ ଲେଖିଛନ୍ତି ଯେ, ‘ଇନ୍ଦ୍ରଧନୁର ଅସ୍ତିତ୍ୱରୁ ଏହା ପ୍ରମାଣିତ ହୋଇଥାଏ କି ଏକ ଭୟଙ୍କର ଝଡ଼ ପରେ ବି ସୁନ୍ଦର ଜିନିଷ ହୋଇପାରେ ।’ ଶିଳ୍ପାଙ୍କ ଏହି ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ସୂଚନାଯୋଗ୍ୟ, ଜୁଲାଇ ୧୯ ତାରିଖରେ ରାଜ୍ କୁନ୍ଦ୍ରାଙ୍କୁ ପର୍ଣ୍ଣ ଫିଲ୍ମ ତିଆରି ଆପ୍ ରେ ଅପଲୋଡ୍ କରିବା ମାମଲାରେ ମୁମ୍ବାଇ କ୍ରାଇମବ୍ରାଞ୍ଚ ଗିରଫ କରିଥିଲା । ଏନେଇ କୁନ୍ଦ୍ରାଙ୍କୁ ପଚରାଉଚରା କରାଯିବା ପରେ ଶିଳ୍ପାଙ୍କୁ ମଧ୍ୟ ଜେରା କରାଯାଇଥିଲା । ଏଥିରେ ସେ ରାଜ୍ କୁନ୍ଦ୍ରାଙ୍କ ସପକ୍ଷରେ ମତ ଦେଇଥିଲେ । ଆଉ କହିଥିଲେ ଯେ, ତାଙ୍କ ସ୍ୱାମୀ ପର୍ଣ୍ଣ ଫିଲ୍ମ ନୁହେଁ ବରଂ ଏରୋଟିମ୍ ଫିଲ୍ମ କରନ୍ତି ।