ଆଜି ବିଧାୟକ ଭାବେ ଶପଥ ନେବେ ସୂର୍ଯ୍ୟବଂଶୀ ସୂରଜ, ବିଜେପି ନେତୃବୃନ୍ଦଙ୍କ ଠାରୁ ନେଲେ ଆଶୀର୍ବାଦ

 ଓଡ଼ିଆ ନ୍ୟୁଜ୍(ବ୍ୟୁରୋ):   ବିଜେପି ରାଜ୍ୟ କାର୍ଯ୍ୟାଳୟରେ ସୁରଜ ସୁର୍ଯ୍ୟବଂଶୀ । ଧାମନଗର ଉପନିର୍ବାଚନ ବିଜୟ ହାସଲ କରିବା ପରେ ରାଜ୍ୟ କାର୍ଯ୍ୟାଳୟକୁ ଆସିଛନ୍ତି ସୁରଜ । ସ୍ୱାଗତ ସମ୍ବର୍ଦ୍ଧନା ପାଇଁ ଦଳ ପକ୍ଷରୁ ଦଳ ପକ୍ଷରୁ ପ୍ରସ୍ତୁତି । ରାଜ୍ୟ ସଭାପତିଙ୍କ ଉପସ୍ଥିତିରେ ସୁରଜଙ୍କୁ  ସମ୍ବର୍ଦ୍ଧନା ଦିଆଯାଇଛି।ରାଜ୍ୟ କାର୍ଯ୍ୟାଳୟରେ ଭିଡଓ କଂଫରେନ୍ସ ମାଧମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଜ୍ୟ ପ୍ରଭାରୀ ଡି ପୁରେଣନ୍ଦେଶ୍ୱରୀ, ସାଂସଦ ଜୁଏଲ ଓରାମ, ଜାତୀୟ ପ୍ରବକ୍ତା ସମ୍ବିତ ପାତ୍ର, ସାଂସଦ ବସନ୍ତ ପଣ୍ଡା, ସୁରେଶ ପୂଜାରୀ, ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂଦେଓ ପ୍ରମୁଖ ଯୋଡି ହୋଇ ସୁରଜଙ୍କୁ ଆଶୀର୍ବାଦ କରିଥିଲେ। ସୁରଜ ମଧ୍ୟ ଦଳର ବରିଷ୍ଠ ନେତାଙ୍କୁ ପ୍ରାଣମ ଜଣାଇ କୃତଜ୍ଞତା ଜ୍ଞାପନ କରିଥିଲେ।

ସମ୍ବର୍ଦ୍ଧନା ସଭାରେ ରାଜ୍ୟ ସଂଗଠନ ମହାମନ୍ତ୍ରୀ ମାନସ ମହାନ୍ତି, ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ, ସାଧାରଣ ସଂପାଦକ ଗୋଲକ ମହାପାତ୍ର, ଲେଖାଶ୍ରୀ ସାମନ୍ତ ସିଂହାର ପ୍ରମୁଖ ଅନ୍ୟ ନେତୃ ବୃନ୍ଦ ସାମିଲ ଥିଲେ।ଏହାପରେ ସୂର୍ଯ୍ୟବଂଶୀ ରାଜ୍ୟ କାର୍ଯ୍ୟାଳୟରୁ ବିଧାନସଭା ଯାଇ ବିଧାୟକ ଭାବେ ଶପଥ ଗ୍ରହଣ କରିବେ. ବାଚସ୍ପତି ଶପଥ ପାଠ କରାଇବେ।