ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁସାରଫଙ୍କ ଦେହାନ୍ତ, କାରଗିଲ ଯୁଦ୍ଧର ଥିଲେ ଖଳନାୟକ
ନୂଆଦିଲ୍ଲୀ(ଓଡ଼ିଆ ନ୍ୟୁଜ୍): ୭୮ ବର୍ଷ ବୟସରେ ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁସାରଫଙ୍କ ଦେହାନ୍ତ ହୋଇଯାଇଛି । ମୁସାରଫ ୨୦୦୧ ରୁ ୨୦୦୮ ମସିହା ପର୍ୟ୍ୟନ୍ତ ପାକିସ୍ତାନର ରାଷ୍ଟ୍ରପତି ଭାବେ ଦାୟୀତ୍ୱ ତୁଲାଇଥିଲେ । ଏହା ପୂର୍ବରୁ ସେ ପାକିସ୍ତାନ ସେନାର ମୁଖ୍ୟ ପଦବୀରେ ଅବସ୍ଥାପିତ ଥିଲେ । ତେବେ ସେତେବେଳେ କାରଗିଲ ଯୁଦ୍ଧର କୁଖ୍ୟ ଖଳନାୟକ ଭାବେ ଚିତ୍ରଣ କରିଥିଲେ ଭାରତ ସରକାର ।
ସୂଚନା ଅନୁଯାୟୀ, କର୍କଟ ଓ ହୃଦରୋଗ କାରଣରୁ ତାଙ୍କର ମୃତ୍ୟୁ ହୋଇଥିବା କଥା କୁହାଯାଉଛି । ୨୦୦୭ ନଭେମ୍ବର ୩ ତାରିଖରେ ଦେଶରେ ଇମରଜେନ୍ସି ଲଗାଇବା ଓ ଡିସେମ୍ବର ୨୦୦୭ ରେ ସମ୍ବିଧାନକୁ ନିଲମ୍ବିତ କରିବା ଦୋଷରେ ମୁସାରଫଙ୍କ ଉପରେ ଦେଶଦ୍ରୋହ ମାମଲା ରୁଜୁ କରାଯାଇଥିଲା । ପରେ ପାକିସ୍ତାନ କୋର୍ଟ ପରଭେଜଙ୍କୁ ଫାଶୀଦଣ୍ଡାଦେଶ ଶୁଣାଇଥିଲା ।