ଦୁଇ ସ୍କୁଟି ଆରୋହୀଙ୍କ ଉପରେ ମାଡ଼ିଗଲା ଟ୍ରକ୍
ଓଡ଼ିଆ ନ୍ୟୁଜ,(ବ୍ୟୁରୋ): ଦୁଇ ସ୍କୁଟି ଆରୋହୀଙ୍କୁ ଧକ୍କା ଦେଇ ୨୦୦ ମିଟର ପର୍ଯ୍ୟନ୍ତ ଘୋଷାଡ଼ି ନେଲା ମାଲବାହୀ ଟ୍ରକ୍। ମୟୂରଭଞ୍ଜ ଜିଲ୍ଲା ବାରିପଦା ସହର ଉପକଣ୍ଠ ପାଲବଣି ବାଇପାସ୍ ସ୍ଥିତ ପେଟ୍ରୋଲ ପମ୍ପ ସମ୍ମୁଖ ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି।
ତେବେ ସୂଚନା ମୁତାବକ, ଟ୍ରକ୍ ମାଡ଼ିଯିବାରୁ ଦୁଇ ସ୍କୁଟି ଆରୋହୀଙ୍କ ମୃତ୍ୟୁ ହୋଇଥିବା ଜଣାଯାଇଛି। ରାତି ପ୍ରାୟ ସାଢେ ୧୧ଟା ବେଳେ ଏହି ଦୁର୍ଘଟଣା ଘଟିଥିବା କୁହାଯାଉଛି। ଦୁଇମୃତକ ଶିରିଶିବଣି ଶାମାଖୁଣ୍ଟା ଗାଁର ବୋଲି ଜଣାଯାଇଛି। ଜଣଙ୍କ ମୃତଦେହ ମିଳିଥିବା ବେଳେ ଅନ୍ୟ ଜଣଙ୍କ ରାସ୍ତାରେ ମିଶିଯାଇ ମିଳିବା କଷ୍ଟ ହୋଇଛି।
ଉଭୟଙ୍କୁ ଦୁଇଶହ ମିଟର ଯାଏଁ ଘୋଷାଡ଼ି ନେଇଥିଲା ଟ୍ରକ୍। ପାଲବଣି ଜାତୀୟ ରାଜପଥରେ ଥିବା ମଦ ଦୋକାନକୁ ଲାଗି ତିରିଶିରୁ ଉର୍ଦ୍ଧ୍ବ ଝୋପଡପଟିରେ ଚାଖଣା ଓ ମଦ ବିକ୍ରି ହେଉଥିବା ଯୋଗୁଁ ଅଧିକାଂଶ ସମୟରେ ଛୋଟ ଛୋଟ ଅପରାଧ ଓ ଦୁର୍ଘଟଣା ହେଉଥିବା ଦେଖିବାକୁ ମିଳୁଛି।