ଆଜି ଗୁଜୁରାଟ୍ ଟାଇଟନ୍ସ-ରାଜସ୍ଥାନ ରୟାଲ୍ସ ପ୍ଲେ ଅଫ ଫାଇଟ୍
ମୁମ୍ବାଇ(ଓଡ଼ିଆ ନ୍ୟୁଜ୍): ଶେଷ ହୋଇଛି ଚଳିତ ଆଇପିଏଲର ଲିଗ୍ ପର୍ୟ୍ୟାୟ । ଆଜିଠୁ ଆରମ୍ଭ ହେବ ପ୍ଲେ-ଅଫ୍ ରାଉଣ୍ଡ । ଇଡେନ୍ ଗାର୍ଡେନରେ ଆଜି ଗୁଜୁରାଟ୍ ଟାଇଟନ୍ସ-ରାଜସ୍ଥାନ ରୟାଲ୍ସ ପ୍ଲେ ଅଫ ଫାଇଟ୍ ହେବ । ବିଜୟୀ ଦଳ ସିଧାସଳଖ ଫାଇନାଲକୁ ଯିବ । ପରାଜିତ ଦଳ ପାଇଁ ମଧ୍ୟ ଅଉ ଏକ ସୁଯୋଗ ରହିଛି । ଲିଗ୍ ପର୍ୟ୍ୟାୟରେ ସର୍ବାଧିକ ପଏଣ୍ଟ ହାସଲ କରିଥିବା ଟାଇଟନ୍ସ ଆଜିର ମ୍ୟାଚରେ ବି ନିଜର ଆଧିପତ୍ୟ ଜାରି ରଖିବାକୁ ଯୋଜନା କରିଛି ।
ସେପଟେ ରାଜସ୍ଥାନ ମଧ୍ୟ ପୂର୍ବ ପରାଜୟର ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି । ରାଜସ୍ଥାନ ୨୦୦୮ରେ ଚାମ୍ପିଅନ୍ ହୋଇଥିଲା । ଏହା ପରଠୁ କେବେ ବି ଫାଇନାଲକୁ ପ୍ରବେଶ କରିନାହିଁ । ତେଣୁ ଦଳ ପାଖରେ ଆଜି ଏକ ସୁଯୋଗ ରହିଛି । ସେହିପରି ନୂଆ ଦଳ ଭାବେ ହାର୍ଦ୍ଦିକ ପାଣ୍ଡ୍ୟା ନେତୃତ୍ୱ ନେଉଥିବା ଗୁଜରାଟ ଟାଇଟନ୍ସ ପ୍ରଥମରୁ ଚମକ୍ରାର ପ୍ରଦର୍ଶନ କରିଛି । ଆଜିର ମ୍ୟାଚ୍ ଜିତି ସିଧାସଳଖ ଫାଇନାଲକୁ ଯିବାକୁ ଚେଷ୍ଟା କରିବ ଗୁଜରାଟ ।