ବାଲେଶ୍ୱର ଛୁରୀମାଡ ଘଟଣାରେ ଦୁଇ ଗିରଫ

ଓଡ଼ିଆ ନ୍ୟୁଜ,(ବ୍ୟୁରୋ): ବାଲେଶ୍ୱର ଛୁରୀମାଡ ଘଟଣାରେ ଦୁଇ ଗିରଫ | ଗତକାଲି ୭ତାରିଖ ରାତିରେ ବାଲେଶ୍ୱର ଟାଉନ ଥାନା ଅନ୍ତର୍ଗତ ହେମକାପଦା ଛକ ନିକଟରେ ଘଟିଥିବା ଯୁବକକୁ ଛୁରିମାଡ ଘଟଣାରେ ଦୁଇଜଣ ଅଭିଯୁକ୍ତଙ୍କୁ ଟାଉନଥାନା ପୋଲିସ ଗିରଫ କରି ଆଜି କୋର୍ଟ ଚାଲାଣ କରିଥିବା ଜଣାଯାଇଛି।

ସୂଚନା ଅନୁସାରେ ସାତ ତାରିଖ ରାତି ପ୍ରାୟ ସାଢେ ନଅ ଟା ସମୟରେ ହେମକାପଦା ଛକ ନିକଟରେ କିଛି ଯୁବକ ନିଶାସକ୍ତ ଅବସ୍ଥାରେ ଗଣ୍ଡଗୋଳ କରୁଥିଲେ।ସେହି ସମୟରେ ସେହି ରାସ୍ତା ଦେଇ ଯାଉଥିବା ମଣ୍ଡଳ ବଗିଚା ଅଞ୍ଚଳର ସେକ୍ ଇକବାଲ ଉକ୍ତ ଯୁବକ ମାନଙ୍କୁ ଗଣ୍ଡଗୋଳ ନ କରି ଅନ୍ୟତ୍ର ଚାଲିଯିବାକୁ ଅନୁରୋଧ କରିଥିଲେ।କିନ୍ତୁ ନିଶାସକ୍ତ ଯୁବକମାନେ ଉତକ୍ଷିପ୍ତ ହୋଇ ଇକବାଲକୁ ଆକ୍ରମଣ କରିଥିଲେ।ଏହାକୁ ଇକବାଲର ଭାଇ ସଲିମ ପ୍ରତିବାଦ କରିବାରୁ ଯୁବକମାନେ ଛୁରିରେ ସଲିମକୁ ଆକ୍ରମଣ କରିଥିଲେ।

ଫଳରେ ଅତି ମୁର୍ମୂଷୁ ଅବସ୍ଥାରେ ପଥମେ ବାଲେଶ୍ୱର ମେଡିକାଲ ଓ ପରେ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି।ଏହି ଘଟଣାରେ ବାଲେଶ୍ୱର ଟାଉନ ଥାନା ପୋଲିସ ୩୨୦ନଂରେ ଏକ ମାମଲା ରୁଜୁକରି ତଦନ୍ତ କରି ଆଜି ଦୁଇଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା।ଗିରଫ ଅଭିଯୁକ୍ତମାନେ ହେଲେ ବାଲୁବଜାରର ସେକ୍ ଅରବାଜୁଦ୍ଦିନ ଓ ଜଙ୍କରାଇର ଜିରୁଦ୍ଦିନ ସାହା।ଅନ୍ୟ ଅଭିଯୁକ୍ତ ମାନଙ୍କୁ ଧରିବାକୁ ପୋଲିସ ତଦନ୍ତ ଜାରୀ ରଖିଛି।