ଆଲିପୁର ଚିଡ଼ିଆଖାନାରୁ ଆସିଲା ୨ଜିରାଫ୍

ଓଡ଼ିଆ ନ୍ୟୁଜ,(ବ୍ୟୁରୋ): କୋଲକାତା ଚିଡ଼ିଆଖାନାରୁ ନନ୍ଦନକାନନକୁ ଅଣାଗଲା ୨ ଜିରାଫ। ନୂଆ ଅତିଥି ଭାବେ ୨ଟି ଜିରାଫ ଅଣାଯାଇଛି। ଗୋଟିଏ ମାଈ ଓ ଗୋଟିଏ ପୁରୁଷ ଜିରାଫ ଅଣାଯାଇଛି। ତେବେ ଦେଢ଼ ବର୍ଷର ପୁରୁଷ ଓ ବର୍ଷେ ୧ ମାସର ମାଈ ଜିରାଫ ଅଣାଯାଇଥିବା ସୂଚନା ମିଳିଛି। ତେବେ ସୂଚନା ମୁତାବକ,  ଆଲିପୁର ଚିଡ଼ିଆଖାନାରୁ ଗତ ୩୧ ତାରିଖ ରାତିରେ ବାହାରିଥିବା ଜିରାଫକୁ ନେଇ ବାହାରିଥିବା ସ୍ୱତନ୍ତ୍ର କଣ୍ଟେନର୍ ୨୫ ଘଣ୍ଟାର ଅପରେସନ୍ ପରେ ନନ୍ଦନକାନନରେ ପହଞ୍ଚିଥିଲା।

କୋଲକାତାରୁ ଭୁବନେଶ୍ୱର ଅଣାଯିବା ପାଇଁ ବନ ବିଭାଗ ଓ ପ୍ରଶାସନ ପକ୍ଷରୁ ସ୍ୱତନ୍ତ୍ର କଡ୍ରନ୍ କରାଯାଇଥିଲା। ଏହି ରୁଟରେ ଥିବା ଜିଲ୍ଲା ବାଲେଶ୍ୱର, ଭଦ୍ରକ, ଯାଜପୁର, କଟକ, ଖୋର୍ଦ୍ଧାର ଜିଲ୍ଲାପାଳ ଓ ଏସପି, DFOଙ୍କୁ ଟ୍ରାଫିକ କ୍ଲିଏରାନ୍ସ ଏବଂ ଅନ୍ୟାନ୍ୟ ଆନୁସଙ୍ଗିକ ବ୍ୟବସ୍ଥା କରିଥିଲେ। ୨ ଜିରାଫ ଆସିବା ପରେ ନନ୍ଦନକାନନରେ ଜିରାଫ ସଂଖ୍ୟା ୩କୁ ବୃଦ୍ଧି ହୋଇଛି। ସୂଚନା ଅନୁସାରେ କୋଲକାତା ଅଲିପୁରରୁ ନନ୍ଦନକାନନକୁ ଏହି ୨ ଜିରାଫକୁ ଅଣାଯାଇଛି। ଏହି ଜିରାଫ ଆସିବା ପରେ ଏବେ ନନ୍ଦନକାନନରେ ଜିରାଫ ସଂଖ୍ୟା ୩କୁ ବୃଦ୍ଧି ପାଇଛି।

ପୂର୍ବରୁ ୨୦୧୨ରେ ‘ଖୁସି’ ନାମକ ମାଈ ଜିରାଫ ଅଣାଯାଇଥିଲା। ଏହାପୂର୍ବରୁ ନନ୍ଦନକାନନରେ ଜିରାଫ୍- ଖୁସି ୨୦୧୨ରୁ ଅଛି। ତାକୁ ପଟନା ଚିଡ଼ିଆଖାନାରୁ ଅଣାଯାଇଥିଲା। ଆଗରୁ ୨୦୦୮ରେ ଆଲିପୁର ଚିଡ଼ିଆଖାନାରୁ ଏକ ଜିରାଫକୁ ଆଣିବାକୁ ଚେଷ୍ଟା କରିବା ପରେ ବି ଏହା ସଫଳ ହୋଇପାରିନଥିଲା। ସେହିପରି ୨୦୧୬ରେ ଥରେ ଆଲିପୁରରୁ ପୁରୁଷ
ଜିରାଫକୁ ଅଣାଯାଇଥିଲା। ତେବେ ନନ୍ଦନକାନନରେ ପହଞ୍ଚିବାର ମାତ୍ର ୬ ଦିନ ପରେ ତାର ମୃତ୍ୟୁ ହୋଇଥିଲା।