ଆଠଗଡ଼ ଜେନାପଦା ଶାଳବଣୀ ଜଙ୍ଗଲ ଅଜଣା ମହିଳାଙ୍କ ମୃତଦେହ ଠାବ, ଦୁର୍ବୃତ୍ତ ହତ୍ୟାକରି ଫୋପାଡି ଦେଇଥିବା ସନ୍ଦେହ

ଓଡିଆ ନ୍ୟୁଜ୍(ବ୍ୟୁରୋ):  ଆଠଗଡ଼  ଜେନାପଦା ଶାଳବଣୀ ଜଙ୍ଗଲ ମଧ୍ୟରେ ଜଣେ ଅଜଣା ମହିଳାଙ୍କୁ କେହି ହତ୍ୟାକରି ଫୋପାଡି ଦେଇଥିବା ଜଣାପଡିଛି।ଆଠଗଡ଼ ଥାନା ଅନ୍ତର୍ଗତ ୬୫ ନମ୍ବର ରାଜ୍ୟ ରାଜପଥ ଜେନାପଦା ଶାଳବଣୀ ଜଙ୍ଗଲ ମଧ୍ୟରେ କେହି ଜଣେ ମହିଳାଙ୍କୁ ହତ୍ୟାକରି ଫୋପାଡି ଦେଇଥିବା ଆଜି ସ୍ଥାନୀୟ ଲୋକେ ଜଙ୍ଗଲକୁ ଯାଇଥିବା ବେଳେ ଦେଖିବାକୁ ପାଇଥିବା ଜଣାପଡିଛି।ତେବେ ସ୍ଥାନୀୟ ଲୋକେ ତୁରନ୍ତ ଏ ସମ୍ପର୍କରେ ଆଠଗଡ଼ ପୋଲିସ କୁ ଖବର ଦେବାପରେ ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ ଆରମ୍ଭ କରିଛି।ତେବେ ପ୍ରାଥମିକ ତଦନ୍ତରୁ ପୋଲିସ ଉକ୍ତ ମହିଳାଙ୍କୁ ଦୁଇରୁ ତିନିଦିନ ମଧ୍ୟରେ କେହି ହତ୍ୟା କରି ଏଠାରେ ଫୋପାଡି ଦେଇଥିବା ପୋଲିସ ଜାଣିବାକୁ ପାଇଥିବା ବେଳେ ଅନ୍ୟପଟେ ମହିଳାଙ୍କ ପରିଚୟ ନମିଳିବା ପାଇଁ ହତ୍ୟାକାରୀ ମାନେ ମହିଳାଙ୍କ ମୁହଁ କୁ ନଷ୍ଟ କରିଥିବା ପୋଲିସ କହିଛି ।ତେବେ ପୋଷ୍ଟମର୍ଟମ ପରେ ହତ୍ୟା କେବେ କେଉଁ ସମୟରେ ହୋଇଛି ତାହା ସ୍ପଷ୍ଟ ହେବ ବୋଲି ତଦନ୍ତକାରୀ ଅଫିସର ବିଶ୍ବଜିତ ଜେନା ପ୍ରକାଶ କରିଛନ୍ତି।

ଅନ୍ୟପକ୍ଷରେ ଏହି ଜେନାପଦା ଶାଳବଣୀ ଜଙ୍ଗଲ ରାସ୍ତା ଏବେ ଚୋରି ,ରହାଜାନି ଡକାୟତି କରିବା ପାଇଁ ହଟସ୍ପଟ ପାଲଟିଛି । ଗତ ୧୦ ଦିନ ତଳେ ଏହି ରାସ୍ତାରେ ଏକ ଟ୍ରକ ଡ୍ରାଇଭର କୁ ମାଡମାରି ୫.୪୫ ଲକ୍ଷ ଟଙ୍କା ଲୁଟ ହୋଇଥିବା ବେଳେ ପୂର୍ବରୁ ଅନେକ ବାର ଏହି ରାସ୍ତାରେ ଚୋରି ରାହାଜାନୀ ହେଉଥିବା ବେଳେ ପୋଲିସ ଏପର୍ଯ୍ୟନ୍ତ ଅଭିଯୁକ୍ତ ମାନଙ୍କୁ ଧରିବାରେ ବିଫଳ ହୋଇଥିବା ଦେଖିବାକୁ ମିଳିଛି।ତେବେ ପୋଲିସ ହତ୍ୟାକାରୀ ମାନଙ୍କୁ ଧରିବାରେ କେତେ ସଫଳ ହେଉଛି ତାକୁ ଦେଖିବାକୁ ରହିଲା