ଚନ୍ଦକା ପୋଲିସ ଓ ସ୍ପେଶାଲ ସ୍କ୍ବାର୍ଡ ଚଢାଉ ଦ୍ବାରା ବଡ଼ ଡକାୟତି ଗ୍ୟାଙ୍ଗ ଠାବ: ସେମାନଙ୍କ ମଧ୍ୟରୁ ଦୁଇ ଜଣ ବାପ ପୁଅ ଅଛନ୍ତି

ଓଡିଆ ନ୍ୟୁଜ୍(ବ୍ୟୁରୋ):  ଚନ୍ଦକା ପୋଲିସ ଓ ସ୍ପେଶାଲ ସ୍କ୍ବାର୍ଡ ପକ୍ଷରୁ ଏକ ବଡ଼ ଡକାୟତି ଗ୍ୟାଙ୍ଗ ଠାବ କରାଯାଇଛି । ୩ ଜଣ ଡକାୟତ ଓ ଚୋରି ଜିନିଷ କିଣୁଥିବା ୩ ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରୁ ଦୁଇ ଜଣ ବାପ ପୁଅ ଅଛନ୍ତି। ୭ ଲକ୍ଷ ଟଙ୍କା ଏମାନଙ୍କ ଠାରୁ ଠାବ କରାଯାଇଛି । ୫ ଲକ୍ଷ ୮୫ ହଜାର ନଗଦ ତାଙ୍କ, ୧ ଲକ୍ଷ ୪୦ ହଜାର ସେମାନଙ୍କ ଆକାଉଣ୍ଟରୁ ଠାବ ହୋଇଛି । ୧୪୦ ଗ୍ରାମ ସୁନା ଓ ରୁପା ୧୦୦ ଗ୍ରାମ ତାଙ୍କ ଠାରୁ ଜବତ ହୋଇଛି । ଅଲଙ୍କାରର ଆନୁମାନିକ ମୂଲ୍ୟ ପ୍ରାୟ ୬ ଲକ୍ଷରୁ ଉର୍ଦ୍ଧ୍ବ ହେବ ବୋଲି ଅନୁମାନ କରାଯାଉଛି ।

ଗୋଟିଏ ଅଟୋ ରିକ୍ସା ଏମାନଙ୍କ ଠାରୁ ଜବତ କରାଯାଇଛି । ଏ ଗ୍ୟାଙ୍ଗଟି ୧୦ ଜଣିଆ ବୋଲି ଜଣାପଡିଛି । ଫେରାର ଅଭିଯୁକ୍ତଙ୍କୁ ଖୋଜା ଚାଲିଛି । ଏମାନେ ବହୁତ ଚତୁରତାର ସହ ଡକାୟତି କରନ୍ତି । ପ୍ରତେକ ଦିନ ଏମାନେ ସ୍ଥାନ ପରିବର୍ତ୍ତନ କରନ୍ତି । ବାଲିପାଟଣା, ଲିଙ୍ଗରାଜ, ସହିଦନଗର , ଇନ୍ଫୋବ୍ୟାଲି, ଚନ୍ଦକା ଥାନାରେ ବର୍ତ୍ତମାନ ପର୍ଯ୍ୟନ୍ତ ଏମାନଙ୍କ ନାଁ ରେ ୧୩ ଟି କେସ ରହିଛି । କିଛିଦିନ ତଳେ ଚନ୍ଦକା ଥାନା ଅଞ୍ଚଳରେ ସିନିୟର ସିଟିଜେନ ଙ୍କ ଘରୁ ଚୋରି ହୋଇଥିଲା । ସେହି ଲିଙ୍କ ରୁ ଏମାନଙ୍କ ପାଖେ ପହଞ୍ଚିଥିଲା କମିଶନରେଟ ପୋଲିସ ।