ସକାଳୁ ଧାନ ବିଲକୁ ଫସଲ ଦେଖିବାକୁ ଯାଇଥିବା ଚାଷୀଙ୍କୁ ଦଳି ମାରିଦେଲା ଦନ୍ତା

ଓଡ଼ିଆ ନ୍ୟୁଜ୍(ବ୍ୟୁରୋ): ଚାଷୀଙ୍କୁ ଦଳି ମାରିଲା ହାତୀ। ଢ଼େଙ୍କାନାଳ ରାସୋଲ ଥାନା ମୁଣ୍ଡିଆ ସାହିରେ ଆଜି ସକାଳୁ ହାତୀ ଆକ୍ରମଣରେ ଜଣେ ଚାଷୀଙ୍କ ମୃତ୍ୟୁ ଘଟିଛି । ମୃତକ ହେଲେ ୫୫ ବର୍ଷୀୟା ପଞ୍ଚୁ ବେହେରା। ସକାଳୁ ସକାଳୁ ଧାନ ବିଲକୁ ଫସଲ ଦେଖିବାକୁ ଯାଇଥିବା ବେଳେ ହାତୀ ଆକ୍ରମଣର ଶିକାର ହୋଇଥିଲେ। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ବନ ବିଭାଗ ଘଟଣାସ୍ଥଳରେ ପହଁଚି ତଦନ୍ତ କରୁଛି।

ତେବେ ପଞ୍ଚୁ ନିଜର ଅଳ୍ପ କିଛି ବିଲରେ ଚାଷ କରୁଥିବା ବେଳେ ଭାଗକୁ ମଧ୍ୟ ଚାଷ କରୁଥିଲେ। ପ୍ରତ୍ୟେକ ଦିନ ହାତୀ ଆକ୍ରମଣରେ ଧନ ଜୀବନ ନଷ୍ଟ ହେଉଥିବାବେଳେ ଏଥିପ୍ରତି ନିଘା ନାହିଁ ସରକାରଙ୍କ। ଜଙ୍ଗଲ ଛାଡି ଜନବସି ଆଡୁ ମାଡି ଆସୁଛନ୍ତି ହାତୀ। ଯାହାଦ୍ୱାରା ମଣିଷ ଆଉ ହାତୀ ମଧ୍ୟରେ ସଙ୍ଘର୍ଷ ଉପୁଜୁଛି। ଆଉ ଏଥିରେ ପ୍ରାଣ ହରାଉଛି ମଣିଷ।