ସାବୁନ ଫ୍ୟାକ୍ଟ୍ରିରେ ବିସ୍ଫୋରଣ

ଓଡ଼ିଆ ନ୍ୟୁଜ, ଉତ୍ତରପ୍ରଦେଶ : ଉତ୍ତରପ୍ରଦେଶର ମେରଟରେ ଏକ ସାବୁନ କାରଖାନାରେ ଲଗାତାର ଦୁଇଟି ବିସ୍ଫୋରଣରେ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ୫ ଜଣ ଆହତ ହୋଇଛନ୍ତି। ଖବର ଅନୁଯାୟୀ, ମଙ୍ଗଳବାର ସକାଳେ କାରଖାନାରେ ଏକ ବଡ଼ ଧରଣର ବିସ୍ଫୋରଣ ହୋଇଥିଲା, ଯେଉଁଥିପାଇଁ କାରଖାନା ଭିତରେ ଉପସ୍ଥିତ ଶ୍ରମିକମାନଙ୍କୁ ବର୍ଜ୍ୟବସ୍ତୁ ତଳେ କବର ଦିଆଯାଇଥିଲା | ଆବର୍ଜନା ହଟାଯିବା ପରେ ଦ୍ୱିତୀୟ ବିସ୍ଫୋରଣ ଘଟିଥିଲା। ଉକ୍ତ ସ୍ଥାନରେ ଉପସ୍ଥିତ ଥିବା ଅନେକ ଲୋକ ଇଟା ଦରରେ ଆହତ ହୋଇଥିଲେ, ପରେ ସ୍ଥାନରୁ ଭିଡ଼ ସଫା କରାଯାଇଥିଲା। ବିସ୍ଫୋରଣ ଏତେ ଭୟଙ୍କର ହୋଇଥିଲା ଯେ, ସମ୍ପୂର୍ଣ୍ଣ ଇଲାକା ଥରି ଯାଇଥିଲା । ମାଟିରୁ ଆକାଶ ଯୁଆଡେ ଚାହଁ ସିଆଡେ ଖାଲି ଧୂଆଁ ଆଉ ଧୂଳିମୟ ଦିଶୁଥିଲା । ପୋଲିସ ପ୍ରଶାସନ ଖବର ପାଇ ଘଟଣାସ୍ଥଳରେ ପହଞ୍ଚିଥିଲା । ସଙ୍ଗେ ସଙ୍ଗ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା । ୭ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।

ସେମାନଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ଘଟିଥିବା ଡିଏମ ଦୀପକ ମୀଣା କହିଛନ୍ତି । ତେବେ ସାବୁନ ଫ୍ୟାକ୍ଟ୍ରିରେ ବିସ୍ଫୋରଣ କାହିଁକି ହେଲେ ସେ ନେଇ ନାନା ପ୍ରଶ୍ନ ଉଠୁଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଏହି କୋଠାରେ ବାଣ ଏବଂ ବିସ୍ଫୋରକ ସାମଗ୍ରୀ ପ୍ରସ୍ତୁତ କରାଯାଉଥିଲା । ସେଥିପାଇଁ ଭୟଙ୍କର ବିସ୍ଫୋରଣ ହୋଇଛି । ଘଟଣାସ୍ଥଳରୁ ମଧ୍ୟ ବିସ୍ଫୋରକ ପଦାର୍ଥ ମିଳିଛି ।

କୁହାଯାଉଛି, ଭଗ୍ନସ୍ତୁପ ତଳେ ଅନେକ ଲୋକ ରହି ଯାଇଛନ୍ତି । ବିସ୍ଫୋରଣ ଏତେ ଜୋରରେ ହୋଇଥିଲା ଯେ, ଏ ୩୩ କେଭି ବିଦ୍ୟୁତ ଖୁଣ୍ଟ ଉପୁଡି ପଡିଛି । ରାସ୍ତାରେ ଯାଉଥିବା ଲୋକ ବି ଆହତ ହୋଇଛନ୍ତି । ଆଖପାଖ କୋଠା ବି ଦୋହଲି ଯାଇଥିଲା ।