ବେକାବୁ କରିଛି ପିଆଜ ଦର

ଓଡ଼ିଆ ନ୍ୟୁଜ, (ବ୍ୟୁରୋ): ବେକାବୁ କରିଛି ପିଆଜ ଦର । କିଛି ଦିନ ହେବ ପରିବା ଦରଦାମ ବୃଦ୍ଧି ପାଉଥିବା ବେଳେ, ଆଗକୁ ଅଛି । କିଛି ଦିନ ପୂର୍ବରୁ ବଜାରରେ ବିଭିନ୍ନ ପରିବାର ଦର ବଢିଥିଲା। ଯାହାକୁ ନେଇ ଦେଖିବାକୁ ମିଳିଥିଲା ଖାଉଟି ଅସନ୍ତୋଷ। ତେବେ ଏବେ ଆଉ ଥରେ ବଜାରରେ ପିଆଜ ଦର ବୃଦ୍ଧି ହୋଇପାରେ ବୋଲି ଏକ ରିପୋର୍ଟ ଆସିଛି। ଯାହାକୁ ନେଇ ଚିନ୍ତାରେ ପଡିଛନ୍ତି ଖାଉଟି ବା ଗ୍ରାହକ। ଅକାରଣ ନବରାତ୍ରୀ ପରେ ପରେ ବଢିବାରେ ଲାଗିଛି ପିଆଜ ଦର।

ଦେଶର ରାଜଧାନୀ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ପିଆଜ ମୂଲ୍ୟ୨୫-୫୦ ପ୍ରତିଶତ ବୃଦ୍ଧି ହୋଇ କିଲୋଗ୍ରାମ ପିଛା ୫୦ ରୁ ୭୦ ଟଙ୍କା ପର୍ଯ୍ୟନ୍ତ ପହଞ୍ଚିଛି। ବୁଧବାର ଦିଲ୍ଲୀରେ ସର୍ବୋତ୍ତମ ଗୁଣବତ୍ତା ପାଇଟ୍ ମୂଲ୍ୟ କିଲୋଗ୍ରାମ ପିଛା ୫୦ ଟଙ୍କା ଛୁଇଁଛି। ମହାରାଷ୍ଟ୍ର ବଜାରରେ ମଧ୍ୟ ଭଲ ଗୁଣବତ୍ତା ପିଆଜ ପ୍ରାୟ ସମାନ ମୂଲ୍ୟରେ ବିକ୍ରି ହେଉଛି। କେତେକ ସ୍ଥାନରେ ପିଆଜ ମୂଲ୍ୟ କିଲୋଗ୍ରାମ ପିଛା୬୦ ରୁ ୭୦ଟଙ୍କା ପର୍ଯ୍ୟନ୍ତ ପହଞ୍ଚିଛି। ବଜାରରେ ଖରିଫ ଫସଲ ଆସିବା ଯାଏ ଅର୍ଥାତ୍ ଡିସେମ୍ବର ପର୍ଯ୍ୟନ୍ତ ପିଆଜ ଦର ବୃଦ୍ଧି ପାଇବ ବୋଲି ଏକ ସମ୍ଭାବନା ରହିଛି।

ଖରିଫ ଋତୁରେ ଚାଷ କରାଯାଉଥିବା ପିଆଜ, ଯାହା ସାଧାରଣତଃ ଅକ୍ଟୋବର-ନଭେମ୍ବର ମାସରେ ଅମଳ କରାଯାଏ, ଚଳିତ ବର୍ଷ ସେପ୍ଟେମ୍ବର ମଧ୍ୟଭାଗରୁ ଅମଳ କରାଯାଉଛି। ବିଶେଷଜ୍ଞଙ୍କ ଅନୁଯାୟୀ, ଏଥର ମହାରାଷ୍ଟ୍ରର ବିହନ କ୍ଷେତ୍ର ୩୬ ପ୍ରତିଶତ ହ୍ରାସ ପାଇ ପ୍ରାୟ୫୮,୦୦୦ ହେକ୍ଟରରେ ପହଞ୍ଚିଛି ଯେଉଁଥିପାଇଁ ମୂଲ୍ୟ ବୃଦ୍ଧି ପାଇଛି। ଅନ୍ୟପଟେ ମହାରାଷ୍ଟ୍ରରେ ଖରିଫ ଫସଲ ଭଲ ହୋଇ ନାହିଁ କାରଣ ଏଠାରେ ବର୍ଷା କମ ହୋଇଛି। ବ୍ୟବସାୟୀମାନଙ୍କ କହିବା ଅନୁସାରେ ମୁମ୍ବାଇ, ଚେନ୍ନାଇ ପରି ବଡ ସହରରେ ପିଆଜ ଅଧିକ ଆବଶ୍ୟକ ପଡୁଛି ତେଣୁ ଏହାର ପ୍ରଭାବ ପିଆଜର ମୂଲ୍ୟ ଉପରେ ପଡୁଛି।