ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀଙ୍କର ଶ୍ରାଦ୍ଧବାର୍ଷିକୀ ପାଳିତ

ଓଡ଼ିଆ ନ୍ୟୁଜ, (ବ୍ୟୁରୋ):  ଭାରତୀୟ ଜାତୀୟ କଂଗ୍ରେସ ପକ୍ଷରୁ ମହୀୟସୀ ମହିଳା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀଙ୍କର ଶ୍ରାଦ୍ଧବାର୍ଷିକୀ ପାଳିତ | ଭୂତପୂର୍ବ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧି ଜଣେ ମହିୟସୀ ମହିଳା | ସେ ଜଣେ ନୀତିବାନ ଓ ଆଦର୍ଶବାଦୀ ନେତ୍ରୀ ଥିଲେ |

ତାଙ୍କର ନୀତିଆଦର୍ଶ ପାଇଁ ସାରା ଭାରତର ଲୋକଙ୍କର ହୃଦୟରେ ଚିରଅମର ହୋଇ ରହିଛନ୍ତି | ଭାରତୀୟ ଜାତୀୟ କଂଗ୍ରେସ ପକ୍ଷରୁ ମହୀୟଯୀ ମହିଳା ଭୂତପୂର୍ବ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀଙ୍କର ୩୯ତମ ଶ୍ରାଦ୍ଧବାର୍ଷିକୀ ପାଳିତ ହୋଇଯାଇଛି | ଉକ୍ତ କାର୍ଯ୍ୟକ୍ରମରେ ବହୁ କଂଗ୍ରେସ କର୍ମୀ ଯୋଗ ଦେଇ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ | ଆଜି ସକାଳ ୯ଟା ୪୫ମିରେ ରାଇରଙ୍ଗପୁର ସହରସ୍ତ ଏନ ଏ ସି ମ୍ୟାର୍କେଟ ପରିସରରେ ଥିବା ମହିୟସୀ ମହିଳା ଇନ୍ଦିରା ଗାନ୍ଧୀଙ୍କର ପ୍ରତିମୂର୍ତ୍ତୀରେ ଭାରତୀୟ ଜାତୀୟ କଂଗ୍ରେସ ପକ୍ଷରୁ ଶ୍ରଦ୍ଧାଞ୍ଜଳି ଜଣାଇଥିଲେ |

ଏଥିରେ ଦଳିତ ହରିଜନ ସେଲ ଚେୟାରମ୍ୟାନ ଭାଗିରଥୀ ପାତ୍ର, ନେତୃତ୍ବ ବିକାଶ ମିଶନ ସଭାପତି ଏମ ଡି ଇନତଖାବ ଆଲାମ, ଜିଲ୍ଲା ସାଧାରଣ ସଂପାଦକ ହରିଚରଣ ସାହୁ, ପୂର୍ବତନ ବିଧାୟକ ଶ୍ୟାମଚରଣ ହାଁସଦାଃ, ଲକ୍ଷ୍ମଣ ମାଝୀ, ରମେଶ ହାଁସଦାଃ, ଉପେନ୍ଦ୍ର ମଣ୍ଡଳ, ବିଶ୍ବନାଥ ଦାସ, ଅନୁପ ସୋରେନ, ଅଶୋକ ଅଗ୍ରୱାଲ, ଲଳିତ କୁମାର ମହାନ୍ତ, ବହୁ କଂଗ୍ରେସ କର୍ମୀ ଓ ନେତୃମଣ୍ଡଳୀୟବୃନ୍ଦ ଉପସ୍ଥିତ ରହିଥିଲେ |