ବେଆଇନ ବାଣ ଗଦାମ ଉପରେ ଚଢ଼ାଉ

ଓଡ଼ିଆ ନ୍ୟୁଜ, (ବ୍ୟୁରୋ): କରଞ୍ଜିଆ ରେ ବେଆଇନ ବାଣ ଗଦାମ ଉପରେ ଚଢ଼ାଉ ଲକ୍ଷାଧିକ ଟଙ୍କାର ବାଣ ଜବତ । ଆଗକୁ ଦୀପାବଳି ଆସୁଥିବାରୁ ବିଭିନ୍ନ ଜାଗାରେ ବେଆଇନ ଭାବରେ ବାଣ ଗଚ୍ଛିତ ରଖା ଯାଉଥିବା ଦେଖିବାକୁ ମିଳିଛି । ତେବେ ଏପରି ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା କରଞ୍ଜିଆ ବିଜ୍ଞାପିତ ଅଞ୍ଚଳ ପରିଷଦର ୯ନମ୍ବର ୱାର୍ଡ ରେ |

ସୂଚନା କି ଆଜି ରାତି ପ୍ରାୟ ୧୦ ଘଟିକା ୩୦ ମିନିଟ ସମୟରେ ଉପଖଣ୍ଡ ପୋଲିସ ଅଧିକାରୀ ସୁବ୍ରତ କୁମାର କୌଣସି ସୂତ୍ରରୁ ବେଆଇନ ବାଣ ଏକ ଘରେ ଗଚ୍ଛିତ ଥିବା ଖବର ପାଇଥିଲେ । ତାଙ୍କ ନେତୃତ୍ୱରେ କରଞ୍ଜିଆ ଥାନାର ନୂତନ ଅଧିକାରୀ ନିରୋଧ ମାଲିକ ଏକ ଟିମ ବିନା ଲାଇସେନ୍ସ ରେ ବାଣ କାରବାର କରୁଥିବା ୯ ନମ୍ବର ୱାର୍ଡ ର ରଂଜିତ କୁମାର ପୁଥାଳ ଙ୍କ ବାଣ ଗୋଦାମ ଉପରେ ଚଢ଼ାଉ କରି ବେଆଇନ ବାଣକୁ ଜବତ କରି କରଞ୍ଜିଆ ଥାନା କୁ ଆଣିଥିଲେ | ଏବଂ ଜଣଙ୍କୁ ଅଟକ ରଖି ଅଧିକ ପଚାର ଉଚରା କରୁଥିବା ଜଣା ପଡିଛି |

ତେବେ ଏହି ବାଣର ଆନୁମାନିକ ମୂଲ୍ୟ ୩ ଲକ୍ଷ୍ୟ ରୁ ଉର୍ଦ୍ଧ ହେବ ବଲି ସୂଚନା ମିଳିଥିବା ବେଳେ ଏତେ ପରିମାଣରେ ଏକ ସାହି ରୁ ବାଣ ବାହାରିବା ପରେ ସେଠାରେ ଭୟର ବାତାବରଣ ଖେଳିଯାଇଛି | ଆଗକୁ ଏହି ବେଆଇନ ବଣକୁ ବ୍ୟବସାୟୀଙ୍କୁ ହସ୍ତାନ୍ତର କରାଯାଉଛି ନା ଏହା ପ୍ରତି କଣ କାର୍ଯ୍ୟାନୁଷ୍ଠାନ ନିଆଯିବ ତାହା ଦେଖିବାକୁ ବାକିରହିଲା |