କାହାକୁ ଦେଖିବେ ଦର୍ଶକ; କିଏ ମାରିଛି ବାଜି

ଓଡ଼ିଆ ନ୍ୟୁଜ,(ବ୍ୟୁରୋ):   ଆନିମଲ୍ ନା ସାମ୍ ବାହାଦୂର । କାହାକୁ ଦେଖିବେ , କେଉଁ ଚଳଚ୍ଚିତ୍ର ଭଲ ପ୍ରଦର୍ଶନ କରିଛି । ସିନେମାକୁ ଭଲ ପାଉଥିବା ପ୍ରତିଟି ବ୍ୟକ୍ତି ମନରେ ଏବେ ଏମିତି କିଛି ପ୍ରଶ୍ନ । ଦୁଇଟି ସିନେମା ଦେଖିନଥିବା ବ୍ୟକ୍ତି ବି ଆଗେ କେଉଁ ଚଳଚ୍ଚିତ୍ରକୁ ବାଛିବେ ତାକୁ ନେଇ ବେଶ୍ ଦ୍ୱନ୍ଦ୍ୱରେ ଦର୍ଶକ । ତେବେ ଆଜି ଆମେ ଆପଣଙ୍କୁ ଦୁଇଟି ଚଳଚ୍ଚିତ୍ର ବିଷୟରେ କିଛି ତଥ୍ୟ ଦେବୁ । ଯାହାଦ୍ୱାରା ଆପଣଙ୍କର ସବୁ ଦ୍ୱନ୍ଦ୍ୱ ଦୂର ହୋଇଯିବ ।

ପ୍ରଥମେ ଆଲୋଚନା କରିବା ଆନିମଲ ଚଳଚ୍ଚିତ୍ରରେ କଣ ରହିଛି । ଫାଇଟ ସହ ଫ୍ୟାମିଲି ଡ୍ରାମା ଆଉ ରୋମାନ୍ସରେ ଭରପୂର ଏହି ଚଳଚ୍ଚିତ୍ର । ଆନିମଲ ଦେଖିବା ପୂର୍ବରୁ କିଛି କଥାକୁ ଘରେ ଛାଡି ଯିବାକୁ ହେବ । ଡର, ଭୟକୁ ସହି ପାରୁଥିବେ, ହିଂସା ଗାଳିକୁ ବରଦାସ୍ତ କରିପାରୁଥିବେ, ଏବଂ ଫାଇଟ୍ ଆଉ ଆକ୍ସନକୁ ଭଲ ପାଉଥିବା ବ୍ୟକ୍ତି ଏହି ସିନେମା ଦେଖିପାରିବେ । କେ.ଜି.ଏଫ, ଓ କେଜିଏଫ୨ ରେ ଲୋକମାନେ ଆକ୍ସନ ଦେଖିଥିଲେ ଓ ପସନ୍ଦ ବି କରିଥିଲେ । ହେଲେ ଆନିମଲରେ ଆକ୍ସନ, କାହଣୀ ଓ ରଣବୀରଙ୍କ ଲୁକ ସବୁଠୁ ଅଲଗା । ରୋମାନସ ବା ବଲିଉଡର ଚକଲେଟ ବୟ ଭାବେ ପରିଚିତ ରଣବୀର ଏତେ ଷ୍ଟାଇଲିଶ୍ ଆକ୍ସନ ହିରୋ ଅବତାରରେ ଦର୍ଶକ ଦେଖିବେ ତାହା କେବେ କେହି ଦେଖି ନାହାନ୍ତି ।

ତେବେ ଶାମ ବାହାଦୂର କାହିଁକି ଦେଖିବେ ଆସନ୍ତୁ ସେ ବିଷୟରେ କିଛି ଜାଣିବା । ମାର୍ଶଲ ମାଣିକଶଙ୍କ ଜୀବନ କାହାଣୀ ଉପରେ ଏହି ଫିଲ୍ମ ନିର୍ମିତ । ଏହି ଫିଲ୍ମ ଦେଖିବା ପରେ ଆପଣ ଜାଣି ପାରିବେ ଫିଲ୍ମରେ ଭିକି ନୁହେଁ ଆପଣ ମାର୍ଶଲ ମାଣିକଶଙ୍କୁ ଦେଖୁଛନ୍ତି । ଫିଲ୍ମରେ ଭିକିଙ୍କ ଡାଇଲଗ୍, ଆଟିଟୁ୍ୟଡ, କହିବା ଓ ଚାଲିବା ଶୈଳୀ ସବୁ କିଛିକୁ ଭିକି ଅତି ସୁନ୍ଦର ଭାବେ ତୁଲାଇଛନ୍ତି । ମେଘନା ଗୁଲଜାର କୌଣସି ସାଧାରଣ ନିଦେ୍ର୍ଦଶକ ନୁହନ୍ତିଁ । ତେବେ ଏହି ଚଳଚ୍ଚିତ୍ର ରେ ମନୋରଞ୍ଜନ କମ ଏହାର କାହଣୀ ଆପଣଙ୍କ ହୃଦୟ ଛୁଇଁବ ।

ଉଭୟ ସିନେମାର କାହଣୀ ଅଲଗା । ତେଣୁ ହିଟ୍ ଆଉ ଫ୍ଲପ୍ କୁ ଭୁଲି ସିନେମା ଦେଖିବା ହିଁ ଠିକ୍ ହେବ । ବ୍ୟବସାୟ ଦୃଷ୍ଟିକୋଣରୁ ଦେଖିବାକୁ ଗଲେ ଆନିମଲ ସାମ ବାହାଦୂରରୁ ବହୁ ଆଗରେ ରହିବ । କାରଣ ଆନିମଲ ୫ଟି ଭାଷାରେ ରିଲିଜ ହେବା ସହ ସ୍କ୍ରିନିଂ ମଧ୍ୟ ଅଧିକ ମିଳିଛି । ଓ ଏହା ସାରା ବିଶ୍ୱରେ ରିଲିଜ ହୋଇଛି ।