ଟ୍ରକ ସହିତ ଯାତ୍ରୀବାହୀ ଭ୍ୟାନର ମୁହାଁ ମୁହିଁ ଧକା ଦୁଇ ଗୁରୁତର 15 ଆହତ 

ଓଡ଼ିଆ ନ୍ୟୁଜ,(ବ୍ୟୁରୋ): ଟ୍ରକ ସହିତ ଯାତ୍ରୀବାହୀ ଭ୍ୟାନର ମୁହାଁ ମୁହିଁ ଧକା ଦୁଇ ଗୁରୁତର 15 ଆହତ | ବାଲେଶ୍ୱର ଜିଲ୍ଲା ୧୬ ନଂ ଜାତୀୟ ରାଜପଥ ସୋର ଥାନା ବିଦୁ ନିକଟରେ ଯାତ୍ରୀବାହୀ ଭ୍ୟାନ ସହ ଟ୍ରକ ର ମୁହାଁମୁହିଁ ଧକ୍କା ହେବା ଫଳରେ ପ୍ରାୟ ୧୬ଜଣ ଆହତ ହୋଇ ସୋର ମେଡିକାଲରେ ଚିକିତ୍ସିତ ହେଉଥିବା ଜଣାଯାଇଛି।

ସେମାନଙ୍କ ମଧ୍ୟରୁ ଦୁଇଜଣ ଗୁରୁତରଙ୍କୁ ବାଲେଶ୍ୱର ମେଡିକାଲ ସ୍ଥାନାନ୍ତର ହୋଇଥିବା ସୂଚନା।ଏକ ଯାତ୍ରୀବାହୀ ଭ୍ୟାନ ଭୁବନେଶ୍ୱରରୁ ବାରିପଦା ଅଭିମୁଖେ ଯାଉଥିବା ବେଳେ ୧୬ନଂ ଜାତୀୟ ରାଜପଥ ବିଦୁ ନିକଟରେ ଏକ ଟ୍ରକ ସହ ମୁହାଁମୁହିଁ ଧକା ହେବା ଫଳରେ ଭ୍ୟାନରେ ଥିବା ୧୬ ଜଣ ଆହତ ହୋଇଛନ୍ତି। ସୂଚନା ଅନୁସାରେ ଭୁବନେଶ୍ୱରରୁ ବାରିପଦା ଅଭିମୁଖେ କୌଣସି ଏକ କାର୍ଯ୍ୟକ୍ରମରେ ଯୋଗଦେବା ପାଇଁ OD02BC 4877 ନମ୍ବର ବିଶିଷ୍ଟ ଯାତ୍ରୀବାହୀ ଭ୍ୟାନରେ ୧୨ ଜଣ ଝିଅ ଓ ୪ ଜଣ ପୁଅ ଯାଉଥିଲେ।

୧୬ନମ୍ବର ଜାତୀୟ ରାଜପଥ ବିଦୁ ନିକଟରେ ସାମ୍ନା ପଟୁ ଆସୁଥିବା ଏକ ମାଲ ବୋଝେଇ ଟ୍ରକସହ ଧକା ହୋଇଥିଲା। ଫଳରେ ଭ୍ୟାନରେ ଥିବା ୧୬ ଜଣ ଯାତ୍ରୀଙ୍କ ସମେତ ଗାଡିର ଡ୍ରାଇଭର ଗୁରୁତର ଭାବେ ଆହତ ହୋଇଥିଲେ। ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ସୋର ଡାକ୍ତରଖନାରେ ଭର୍ତି କରିଥିବା ବେଳେ ସେଠାରୁ ୨ ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ବାଲେଶ୍ୱର ସ୍ଥାନାନ୍ତରିତ କରାଯାଇଛି।ସବିଶେଷ ସୂଚନା ଅନୁସାରେ ଜଣେ କଟକ ବଡ଼ ଡାକ୍ତରଖାନା କୁ ସ୍ଥାନାନ୍ତର ହୋଇଥିବା ଜଣାଯାଇଛି।