ଏକଲବ୍ୟ ମୋଡେଲ ରେସିଡେନ୍ସସିଆଲ ସ୍କୁଲର ଦ୍ବିତୀୟ ବାର୍ଷିକ ଉତ୍ସବ ଅନୁଷ୍ଠିତ

ଓଡ଼ିଆ ନ୍ୟୁଜ,(ବ୍ୟୁରୋ): ଏକଲବ୍ୟ ମୋଡେଲ ରେସିଡେନ୍ସସିଆଲ ସ୍କୁଲର ଦ୍ବିତୀୟ ବାର୍ଷିକ ଉତ୍ସବ ଅନୁଷ୍ଠିତ | ବାମନଘାଟୀ ଉପଖଣ୍ଡ ବହଳଦା ବ୍ଲକ ଅନ୍ତର୍ଗତ କାଦୁଆଣି ନିକଟବର୍ତ୍ତୀ ଏକଲବ୍ୟ ମୋଡେଲ ରେସିଡେନ୍ସସିଆଲ ସ୍କୁଲର ଦ୍ବିତୀୟ ବାର୍ଷିକ ଉତ୍ସବ ସଭାପତି ଅବସରପ୍ରାପ୍ତ ସିଆଇ CI ଚନ୍ଦ୍ରଭାନୁ ମହାପାତ୍ରଙ୍କ ଅଧ୍ୟକ୍ଷତାରେ ମହାସମାରୋହରେ ଅନୁଷ୍ଠିତ ହୋଇଯାଇଛି |

ଉକ୍ତ ସଭାରେ ମୁଖ୍ୟ ଅତିଥି ଭାବେ ଡାକ୍ତର ଦେବେନ୍ଦ୍ରନାଥ ଟୁଡୁ, ମୁଖ୍ୟ ବକ୍ତା ରାଇରଙ୍ଗପୁର ବିଇଓ ଭାଗ୍ୟରଥୀ ମହାନ୍ତି, କନଭେନର ଅଧ୍ୟକ୍ଷ ବଳରାମ ବାରିକ, ସ୍ବତନ୍ତ୍ର ଅତିଥି ରାଇରଙ୍ଗପୁର ଏଡିଡ୍ବ୍ଲୁଓ ADWO କମଳାକାନ୍ତ ସ୍ବାଇଁ, ସମ୍ମାନିତ ଅତିଥି ରାଇରଙ୍ଗପୁର ଏଡିଡ୍ବ୍ଲୁଓ ADWO ଜ୍ଞାନେନ୍ଦ୍ର ସାମଲ, ଏସ୍ ଏମ ସି ସଭାପତି ଦୁଖୁରାମ ସରଦାର, ଡିଡ୍ବ୍ଲୁଓ DWO ପ୍ରଦ୍ୟୁନ୍ନ ଦାଶ ଓ ଡି ଆଇ DI ମାନସ ରଂଜନ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ | ସଭା ପ୍ରାରମ୍ଭରେ ଅନୁଷ୍ଠାନ ଛାତ୍ରୀମାନଙ୍କ ଦ୍ବାରା ସ୍ବାଗତ ସଂଗୀତ ଗାନ ଓ ଓଡିଶୀ ନୃତ୍ୟ କରାଗଲା ପରେ ଅତିଥିଗଣ ଶ୍ରୀ ଜଗନ୍ନାଥଙ୍କ ଫଟୋ ଚିତ୍ରରେ ପ୍ରଦୀପ ପ୍ରଜ୍ଜଳନ କରିଥିଲେ | ଶିକ୍ଷୟତ୍ରୀ ମଞ୍ଜୁଶ୍ରୀ ମହାନ୍ତ ବାର୍ଷିକ ବିବରଣୀ ପାଠ କରିଥିଲେ |

ଏହାପରେ ସଭାପତି ତାଙ୍କର ବକ୍ତବ୍ୟ ରଖିଥିଲେ | ମୁଖ୍ୟ ଅତିଥି ତାଙ୍କ ବକ୍ତବ୍ୟରେ ବିଫଳତା ହିଁ ସଫଳତାର ଚାବିକାଠି ତେଣୁ ସଂଘର୍ଷ କୁ ବଜାଇ ରଖିବା ପାଇଁ ଛାତ୍ରଛାତ୍ରୀମାନଙ୍କୁ ଉପଦେଶ ଦେଇଥିଲେ | ମୁଖ୍ୟ ବକ୍ତା ତାଙ୍କ ବକ୍ତବ୍ୟରେ କଠିନ ଅଧ୍ୟବସାୟ ଦ୍ବାରା ଉନ୍ନତିର ଚରମ ସୋପାନରେ ପହଞ୍ଚିପାରିଥାଉ ବୋଲି ଛାତ୍ରଛାତ୍ରୀମାନଙ୍କୁ ବୁଝାଇଥିଲେ | ଏହା ପରେ ବିଦ୍ୟାଳୟରେ ବିଭିନ୍ନ ବିଭାଗରେ କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ଅତିଥିଗଣ ମାନପତ୍ର ଓ ଫଳକ ଦେଇ ପୁରସ୍କୃତ କରିଥିଲେ | ଏହା ପରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା | ଉକ୍ତ ଭବ୍ୟ ସଭାକୁ ଶିକ୍ଷୟତ୍ରୀ ସତରୂପା ସାଉ ପରିଚାଳନା କରିଥିଲା ବେଳେ ଅଧ୍ୟକ୍ଷ ବଳରାମ ବାରିକ ଧନ୍ୟବାଦ ଅର୍ପଣ କରିଥିଲେ | ଏଥିରେ ସମସ୍ତ ଶିକ୍ଷକଶିକ୍ଷୟତ୍ରୀ ଓ କର୍ମଚାରୀଗଣ ସହଯୋଗ କରିଥିଲେ | ଉକ୍ତ ବାର୍ଷିକ ଉତ୍ସବରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ଅବିଭାବକଅବିଭାବିକା ଓ ସହରର ବହୁ ମାନ୍ୟଗଣ୍ୟ ବ୍ୟକ୍ତିବୃନ୍ଦ ଯୋଗ ଦେଇଥିଲେ