ଜୀ ସାର୍ଥକର ଲୋକପ୍ରିୟ ଧାରାବାହିକ “ସୁନା ଝିଅ” ରେ ପୁନଃମିଳନର ମହାଅଧ୍ୟାୟ

ଓଡ଼ିଆ ନ୍ୟୁଜ,(ବ୍ୟୁରୋ): ଓଡିଶାର ନମ୍ବର-୧ ମନୋରଞ୍ଜନ ଚ୍ୟାନେଲ ଜୀ-ସାର୍ଥକ ଓଡିଶାର ସାଂସ୍କୃତିକ ଐତିହ୍ୟରେ ଅନୁପ୍ରାଣିତ ଓ ପ୍ରଗତିଶୀଳ ଓଡିଆ ମହିଳାମାନଙ୍କ ସହ ଦୀର୍ଘ ଦିନର ସୁସମ୍ପର୍କକୁ ମଜବୁତ କରିବା ପାଇଁ ସବୁବେଳେ ଚେଷ୍ଟାରତ। ସେହି ପରିପ୍ରେକ୍ଷୀରେ ଜୀ-ସାର୍ଥକ ପ୍ରସାରିତ ମେଗା ଧାରାବାହିକ ‘ସୁନା ଝିଅ’ ଓଡିଆ ଦର୍ଶକଙ୍କ ସୁନା ଝିଅ ହେବାରେ ସଫଳ ହୋଇଛି ।

ଗୀତାଞ୍ଜଳି ମାନସିଂହ ଏବଂ ତାଙ୍କର ତିନି ଝିଅ ପ୍ରିୟା, ପଲ୍ଲଭି ଏବଂ ପୁରଭିଙ୍କୁ ନେଇ ଏହି କାହାଣୀ ବର୍ତ୍ତମାନ ଓଡିଆ ଦର୍ଶକଙ୍କ ମନ ଜିତିବାରେ ସକ୍ଷମ ହୋଇଛି । ତେବେ ଝିଅ ପ୍ରିୟାର ଓ ବିଷ୍ଣୁଙ୍କ ବିବାହ ପରବର୍ତ୍ତି ଯାତ୍ରାକୁ ନେଇ କାହାଣୀଟି ସଫଳତାର ସହ ଆଗେଇ ଚାଲିଛି । ଦୀର୍ଘ ୨୫ ବର୍ଷର ସଂଘର୍ଷ ପରେ ପ୍ରିୟା ବର୍ତ୍ତମାନ ଜଣେ କଲେକ୍ଟର ହୋଇପାରିଛନ୍ତି କିନ୍ତୁ ଏହି ଜୀବନ ଯାତ୍ରାରେ ସେ ହରାଇଛନ୍ତି ନିଜ ପିଲାକୁ । ଅନେକ ବାଦ ବିବାଦ ଓ ବିଶୃଙ୍ଖଳା ପରେ ବି ବିଷ୍ଣୁ ଏବଂ ପ୍ରିୟା ଏକାଠି ହେଇପାରିନାହାନ୍ତି, ଏହି ମଧ୍ୟରେ ବଂଶୁ ଆଉ ଅଂଶୁ ମିଶିକି ସ୍କୁଲ ଯିବା ସହ ସାଙ୍ଗ ହୋଇଯାଇଛନ୍ତି l ସେପଟେ ଦେବରାଜ ଙ୍କ ମିଛ ମୃତ୍ୟୁ ର ସତ୍ୟତା ଜାଣିବା ପାଇଁ ପ୍ରିୟା ଯାଇଛନ୍ତି ଏବଂ ଭୁଲ ରେ ସେ ବିଷ୍ଣୁ ଙ୍କୁ ଗୁଣ୍ଡା ଭାବିକି ବିଷ୍ଣୁ ଙ୍କ ଉପରେ ଆକ୍ରମଣ କରିଛନ୍ତି ଯୋଉଥି ପାଇଁ ବିଷ୍ଣୁ କୋମା କୁ ପଳେଇଛନ୍ତି l ଆଉ ସେପଟେ ଅଂଶୁ ହେଉଛି, ବିଷ୍ଣୁ ଆଉ ପ୍ରିୟା ଙ୍କ ଝିଅ ଏବଂ ପ୍ରିୟାଙ୍କ କଲେକ୍ଟର ହେବାର ସତ୍ୟତା ଭବାନୀ ଆଉ ପୁରା ପରିବାରଙ୍କ ସମୁଖରେ ରେ ଆସି ସାରିଛି l ଏବେ କାହାଣୀ କୋଉ ମୋଡକୁ ଯିବ? କଣ ବିଷ୍ଣୁ ପ୍ରିୟା ପୁଣି ଥରେ ମିଶି ପାରିବେ ନା ସେମାନଙ୍କ ମଧ୍ୟରେ ହେଇଯିବ ଆହୁରି ଦୂରତା? କଣ ଦୁଇ ଛୁଆ ଙ୍କ ପାଇଁ ବିଷ୍ଣୁ ପ୍ରିୟା ମିଶିପାରିବେ? ଏହି ସବୁ ସମସ୍ୟା ମଧ୍ୟରେ କାହାଣୀ କିପରି ଭାବରେ ଅଗ୍ରଗତି ହେଉଛି ଆଗାମୀ ଅଧ୍ୟାୟରେ ଦେଖିପାରିବେ ? ସୋମବାର ୨୦ମେ ୨୦୨୪ ସନ୍ଧ୍ୟା ୭.୩୦ ମିନିଟ୍‌ରେ।

ଓଡିଆ ମହିଳାମାନଙ୍କର ସଂସ୍କୃତି ଏବଂ ସରଳତାକୁ ପ୍ରତିଫଳିତ କରୁଥିବା ଚରିତ୍ରର ଅସାଧାରଣ କାହାଣୀ, ଜୀ-ସାର୍ଥକ ସଦା ସର୍ବଦା ତାର ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଓଡ଼ିଆ ଦର୍ଶକଙ୍କୁ ଦେଖାଇଛି ଆସିଛି ସେହି ପରି ଏହି କାହାଣୀ ‘ସୁନା ଝିଅ’ ଯେଉଁଥିରେ ବିଷ୍ଣୁଙ୍କ ଓ ସହ ପରିବାରର ସଦସ୍ୟଙ୍କ ଭିତରେ ରାଗରୁଷା,ମାନ ଅଭିମାନ, ଷଡଯନ୍ତ୍ର ଓ ଭଲପାଇବା ଉପରେ ଆଧାରିତ ଏହି କାହାଣୀ ଆମ ଦର୍ଶକଙ୍କୁ ଏକ ନୂତନ ଅନୁଭବ ଦେଇଛି ବୋଲି କହିଛନ୍ତି ଜୀ-ସାର୍ଥକର ଚିଫ୍ ଚ୍ୟାନେଲ୍ ଅଫିସର ପ୍ରତୀକ ସିଲ୍।