୧୫୦ ଗ୍ରାମ୍ ଅଧିକ ଓଜନ ହେତୁ ଅଯୋଗ୍ୟା ହେଲେ ଭିନେଶ ଫୋଗଟ
ଓଡ଼ିଆ ନ୍ୟୁଜ,(ବ୍ୟୁରୋ): ପ୍ୟାରିସ୍ ଅଲିମ୍ପିକ୍ସ ୧୨ ଦିନରେ ପହଞ୍ଚିଥିବା ବେଳେ ଆଜି ଅଲିମ୍ପିକ୍ ଗେମ୍ସରେ ଏକ କୁସ୍ତି ଇଭେଣ୍ଟର ଫାଇନାଲରେ ପ୍ରବେଶ କରିଥିବା ପ୍ରଥମ ଭାରତୀୟ ମହିଳା ଭିନେଶ ଫୋଗଟଙ୍କ ଉପର ସଭିଙ୍କ ନଜର ରହିଥିଲା। ସେ ସ୍ବର୍ଣ୍ଣ ପଦକ ଜିତିବେ ବୋଲି ଆଶା କରାଯାଉଥିବା ବେଳେ ସେହି ଆଶା ଆଶାରେ ହିଁ ରହିଯାଇଛି। ଅନ୍ୟପଟେ, ଭିନେଶ ଫୋଗାଟଙ୍କ ଶ୍ୱଶୁର ରାଜପାଲ ରାଠୀ କହିଛନ୍ତି , ୧୦୦ ଗ୍ରାମ ଓଜନ କେତେ ଅଧିକ। ମୁଣ୍ଡରେ ଥିବା କେଶ ମଧ୍ୟ ଓଜନ ୧୦୦ ଗ୍ରାମ ବଢାଇଥାଏ। ଏହା ବ୍ୟତୀତ ସେ ସରକାର ଏବଂ ଭାରତୀୟ ରେସଲିଂ ଫେଡେରେଶନର ପୂର୍ବତନ ମୁଖ୍ୟ ବ୍ରିଜ୍ଭୂଷଣ ଶରଣ ସିଂହଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି।
ସେ କହିଛନ୍ତି ଯେ ଏଥିରେ ସରକାର ଏବଂ ବ୍ରିଜ ଭୂଷଣ ଶରଣ ସିଂଙ୍କ ହାତ ରହିଛି। ରାଜପାଲ କହିଛନ୍ତି, ଏହା ଏକ ହୃଦୟ ବିଦାରକ ଖବର। ଏଠି ରାଜନୀତି କରାଯାଉଛି। ଏହା ଏକ ଷଡ଼ଯନ୍ତ୍ର। ସରକାରଙ୍କ ଏଥିରେ ହାତ ରହିଛି। ୧୦୦ ଗ୍ରାମ ଓଜନ ହେତୁ କିଏ ବାହାର କରେ? କ୍ରୀଡା ଦଳ କୌଣସି ପ୍ରକାର ସାହାଯ୍ୟ କରିନଥିଲେ। ସେପଟେ ଦାଦା ମହାବୀର ଫୋଗାଟ୍ ମଧ୍ୟ ଭିନେଶଙ୍କୁ ଅଯୋଗ୍ୟ ଘୋଷଣା ପରେ ଭାବୁକ ହୋଇପଡିଛନ୍ତି। ସେ କହିଛନ୍ତି ଏବେ ଆଉ କିଛି ପଦକ ଆସିବ ନାହିଁ। ଫେଡେରେଶନ ପାଖରେ ମୋର କୌଣସି ଦାବି ନାହିଁ। ସେମାନେ ଯାହା ଚାହାଁବେ ତାହା କରିବେ। ଏହି ସମୟରେ ସମଗ୍ର ଦେଶ ଦୁଃଖରେ ଅଛନ୍ତି। ଭିନେଶ ଫୋଗଟ ମଙ୍ଗଳବାର ୫୦ କିଲୋଗ୍ରାମ ଅନୁମତି ସୀମା ମଧ୍ୟରେ ଥିଲେ।
ସେ କ୍ୱାର୍ଟର ଫାଇନାଲରେ ଏବଂ ସେମିଫାଇନାଲରେ ଅଲିମ୍ପିକ୍ ରେସଲିଂ ଫାଇନାଲରେ ପ୍ରବେଶ କରିଥିବା ପ୍ରଥମ ଭାରତୀୟ ମହିଳା ହେବା ପୂର୍ବରୁ ଓପନିଂ ରାଉଣ୍ଡରେ ୱାର୍ଲ୍ଡ ନମ୍ବର ୟୁଇ ସୁସାକିଙ୍କୁ ଆଶ୍ଚର୍ଯ୍ୟଚକିତ କରିଥିଲେ। ୫୦ କିଲୋଗ୍ରାମ ଫ୍ରିଷ୍ଟାଇଲ୍ କୁସ୍ତିରେ ହ୍ୟାଟ୍ରିକ୍ ବିଜୟ ହାସଲ କରି ଭିନେଶ ଫାଇନାଲ୍ରେ ସ୍ଥାନ ସୁରକ୍ଷିତ କରିବା ପରେ ଭାରତ ପାଇଁ ଏକ ଗର୍ବର ବିଷୟ ପାଲଟିଥିଲା। ମାତ୍ର ସେହି ଗୌଭାଗ୍ୟ ଭାରତକୁ ମିଳୁ ମିଳୁ ଅଧାରୁ ରହିଗଲା।