ଗୋଶାଳା ଗୋଧାମ ଗୋପାଷ୍ଟମୀ ଅବସରରେ ହିନ୍ଦୁ ଜାଗରଣ ପକ୍ଷରୁ ବିଶାଳ ଶୋଭାଯାତ୍ରା

ଓଡ଼ିଆ ନ୍ୟୁଜ,(ବ୍ୟୁରୋ): ବିଶ୍ୱ ହିନ୍ଦୁ ପରିଷଦ ଓ ଗୋଶାଳା ଗୋଧାମ ମିଳିତ ସହଯୋଗରେ ଆଜି ଗୋପାଷ୍ଟମୀ ଅବସରରେ ହିନ୍ଦୁ ଜାଗରଣ ଶୋଭାଯାତ୍ରା କରଞ୍ଜିଆ ସହରର ମିଳନ ପଡ଼ିଆ ଠାରୁ ଆରମ୍ଭ ହୋଇ ସହର ପରିକ୍ରମା କରିଥିଲା।

ଏହି କାର୍ଯ୍ୟକ୍ରମରେ ବିଶ୍ବ ହିନ୍ଦୁ ପରିଷଦ ପ୍ରାନ୍ତ ସତସଙ୍ଗ ପ୍ରମୁଖ ହରିହର ତ୍ରିପାଠୀ, ପ୍ରାନ୍ତ ବିଶେଷ ପ୍ରମୁଖ ବସନ୍ତ କୁମାର ଦାନୀ,ବଜରଙ୍ଗ ଦଳ ପ୍ରାନ୍ତ ସହ ସଂଯୋଜକ ବିପିନ ବିହାରୀ ପଣ୍ଡା,ପ୍ରାନ୍ତ ସହର ପ୍ରମୁଖ ଅକ୍ଷୟ ସାହୁ, କେନ୍ଦୁଝର ବିଭାଗ ସମ୍ପାଦକ ଘନଶ୍ୟାମ ମହାନ୍ତ, କେନ୍ଦୁଝର ଜିଲ୍ଲା ସମ୍ପାଦକ ସ୍ୱପ୍ନେଶ୍ୱର ସାହୁ, ପଶ୍ଚିମ ମୟୂରଭଞ୍ଜ ଜିଲ୍ଲା ସଭାପତି ସୃତି ରଞ୍ଜନ ମହାନ୍ତ, ପଶ୍ଚିମ ମୟୂରଭଞ୍ଜ ଜିଲ୍ଲା ସମ୍ପାଦକ ଯଦୁନାଥ ମହାନ୍ତ, ସ୍ୱାମୀ ଧିରେନ୍ଦ୍ରାଚାର୍ଯ୍ୟ ଜି ମହାରାଜ, ପଶ୍ଚିମ ମୟୂରଭଞ୍ଜ ବଜରଙ୍ଗ ଦଳ ଜିଲ୍ଲା ସଂଯୋଜକ ମନୋରଞ୍ଜନ ମହାନ୍ତ, ସ୍ୱାମୀ ଚିଦାନନ୍ଦ ଆଚାର୍ଯ୍ୟ, ସ୍ୱାମୀ ଗୋଲକ ଦାସ, ପ୍ରଶାନ୍ତ କୁମାର ମିଶ୍ର, କୃପାସିନ୍ଧୁ ମହାନ୍ତ,ସଞ୍ଜିବ କୁମାର ସାହୁ ପ୍ରମୁଖଙ୍କ ସହ ବହୁ ବିଶ୍ବ ହିନ୍ଦୁ ପରିଷଦ ସଦସ୍ୟ ଏବଂ ଶବୋନୀୟ ଶିକ୍ଷାଶ୍ରମ ଛାତ୍ରଛାତ୍ରୀ, କରଞ୍ଜିଆ ସରସ୍ଵତୀ ଶିଶୁ ବିଦ୍ୟା ମନ୍ଦିରର ଛାତ୍ରଛାତ୍ରୀ ଉପସ୍ଥିତ ଥିଲେ।

ଏହି ଶୋଭାଯାତ୍ରା ମିଳନ ପଡ଼ିଆ ଠାରୁ ଆରମ୍ଭ ହୋଇ ସିନେମା ହଲ ଛକ,ଦୋଳ ପଡ଼ିଆ, ଅମ୍ବିକା ମନ୍ଦିର, ଏନ୍ଏସି ଛକ, ମାଣିକ ଛକ ଓ ମିଳନ ପଡ଼ିଆ ହୋଇ ସଂଗୀତ ମହାବିଦ୍ୟାଳୟ ଠାରେ ସମାପ୍ତ ହୋଇଥିଲା।