ହାତ ଧରିଲେ ହରିଶଙ୍କର ରାଉତ
ଓଡ଼ିଆ ନ୍ୟୁଜ୍: ବିଜେଡି ଛାଡ଼ିଥିବା ଛାତ୍ର ନେତା ହରିଶଙ୍କର ରାଉତ କଂଗ୍ରେସରେ ମିଶିଲେ।କେସି ବେଣୁଗୋପାଳ ଓ ଭକ୍ତଚରଣ ଦାସଙ୍କ ଉପସ୍ଥିତିରେ ମିଶିଲେ।ପୂର୍ବତନ ବିଜେଡି ଛାତ୍ର ନେତା ହରିଶଙ୍କର ରାଉତ ଦଳ ଛାଡ଼ିବା ପରେ ଓଡ଼ିଶା ପ୍ରଦେଶ କଂଗ୍ରେସ କମିଟି (ଓପିସିସି)ରେ ଯୋଗଦାନ କରିଛନ୍ତି। ଏହି କାର୍ଯ୍ୟକ୍ରମରେ ଏଆଇସିସିର ସାଧାରଣ ସମ୍ପାଦକ କେ.ସି. ବେଣୁଗୋପାଳ ଓ ଓପିସିସି ସଭାପତି ଭକ୍ତଚରଣ ଦାସ ଉପସ୍ଥିତ ଥିଲେ। ହରିଶଙ୍କର ବିଜେଡିରୁ ବିଦାୟ ନେବା ସମୟରେ ବିଜେଡି ନେତା ଭି.କେ. ପାଣ୍ଡିଆନଙ୍କୁ ଟାର୍ଗେଟ କରି ସମାଲୋଚନା କରିଥିଲେ, ଯାହା ଦଳରେ ଅସନ୍ତୋଷର କାରଣ ହୋଇଥିଲା।
ଅନ୍ୟପକ୍ଷରେ, ଏଆଇସିସିର ସାଧାରଣ ସମ୍ପାଦକ କେ.ସି. ବେଣୁଗୋପାଳ ସୂଚନା ଦେଇଛନ୍ତି ଯେ, ଚଳିତ ମାସ ଶେଷ ସୁଦ୍ଧା ଓଡ଼ିଶାରେ ସମସ୍ତ ଜିଲା କଂଗ୍ରେସ ସଭାପତିଙ୍କ ଚୟନ ପ୍ରକ୍ରିୟା ସରିଯିବ। ଏହା ସହିତ ଅକ୍ଟୋବର ମାସ ଶେଷ ସୁଦ୍ଧା ସମସ୍ତ ବ୍ଲକ୍ ସଭାପତିଙ୍କ ଚୟନ ମଧ୍ୟ ସମାପ୍ତ ହେବ। ବେଣୁଗୋପାଳଙ୍କ ନିର୍ଦ୍ଦେଶ ଅନୁଯାୟୀ, ଜିଲାର ପର୍ଯ୍ୟବେକ୍ଷକ ଦାୟିତ୍ୱରେ ଥିବା ଅଧିକାରୀମାନେ ସ୍ଥାନୀୟ ନେତାମାନଙ୍କ ସହ ଭେଟି ଆଲୋଚନା କରି ଚୟନ ପ୍ରକ୍ରିୟା ଆଗେଇ ନେବେ।