ମାନଚିତ୍ରରେ ରହିବ ତ ଆତଙ୍କବାଦ ଶେଷ କର: ସେନା ମୁଖ୍ୟ

ଓଡ଼ିଆ ନ୍ୟୁଜ୍: ପାକିସ୍ତାନକୁ ଭାରତୀୟ ସେନା ମୁଖ୍ୟଙ୍କ ଚରମ ଚେତାବନୀ। ‘ଅପରେସନ୍ ୨.୦ରେ ସଂଯମତା ଅବଲମ୍ବନ କରିବୁ ନାହିଁ’। ‘ମାନଚିତ୍ରରେ ପାକିସ୍ତାନ ରହିବ କି ନାହିଁ ଚିନ୍ତା କରୁ’।’ମାନଚିତ୍ରରେ ରହିବାକୁ ହେଲେ, ଆତଙ୍କବାଦ ଶେଷ କରିବାକୁ ହେବ।

ଭାରତୀୟ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ ଶୁକ୍ରବାର ଶ୍ରୀ ଗଙ୍ଗାନଗରର ଘଡସାନାର ୨୨ ଏମଡି ଗ୍ରାମର ସୀମାନ୍ତ ଅଞ୍ଚଳ ପରିଦର୍ଶନ କରିଥିଲେ। ଏହି ଗସ୍ତ ସମୟରେ ସେ ସେନା ଏବଂ ସୀମା ସୁରକ୍ଷା ବଳ (BSF) ଅଧିକାରୀଙ୍କ ସହିତ ସାକ୍ଷାତ କରିଥିଲେ ଏବଂ ଆତଙ୍କବାଦ ବିରୁଦ୍ଧରେ ଭାରତର ପ୍ରସ୍ତୁତି ସମୀକ୍ଷା କରିଥିଲେ।

ଭାରତୀୟ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ ପାକିସ୍ତାନକୁ କଡ଼ା ଚେତାବନୀ ଦେଇଥିଲେ। ସେ କହିଥିଲେ ଯେ ଯଦି ପାକିସ୍ତାନ ଆତଙ୍କବାଦକୁ ସମର୍ଥନ କରିବା ବନ୍ଦ ନ କରେ, ତେବେ ଏହାକୁ ମାନଚିତ୍ରରୁ ପୋଛି ଦିଆଯାଇପାରେ। ସେ କହିଥିଲେ ଯେ ଏଥର ଭାରତୀୟ ସେନା ପୂର୍ବ ପରି ସଂଯମତା ଦେଖାଇବ ନାହିଁ। ଯଦି ପାକିସ୍ତାନ ଆତଙ୍କବାଦ ପ୍ରସାର କରିବା ବନ୍ଦ ନ କରେ, ତେବେ ‘ଅପରେଶନ ସିନ୍ଦୂର’ର ଦ୍ୱିତୀୟ ପର୍ଯ୍ୟାୟ ଖୁବ ଶୀଘ୍ର ଆରମ୍ଭ ହୋଇପାରେ।