ଛିଡ଼ିଗଲା ପତିତପାବନ ବାନା

ଓଡ଼ିଆ ନ୍ୟୁଜ୍: ପୁରୀରେ ବାନା ବନ୍ଧା ସମୟରେ ଦେଖିବାକୁ ମିଳିଛି ଏ ଦୃଶ୍ୟ। ବାନା ବାନ୍ଧୁ ବାନ୍ଧୁ ହଠାତ୍ ଛିଡ଼ିଗଲା ପତିତପାବନ ବାନା। ଯାହାକୁ ନେଇ ଭକ୍ତ ଓ ବୁଦ୍ଧିଜୀବିଙ୍କ ମଧ୍ୟରେ ବିଭିନ୍ନ ପ୍ରକାରର କଳ୍ପନା ଜଳ୍ପନା ଲାଗି ରହିଛି। ଆଜି ଅପରାହ୍ନରେ ଶ୍ରୀମନ୍ଦିର ଉପରେ ଚଢ଼ି ଚୂନରା ସେବକ ବାନା ବାନ୍ଧୁଥିବା ସମୟରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ପରେ ଚୂନରା ସେବାୟତ ମାନେ ପୁନର୍ବାର ବାନା ବନ୍ଧା ନୀତି ସମ୍ପନ୍ନ କରିଥିଲେ।

ଏହା ପୂର୍ବରୁ ନିକଟ ଦିନରେ ନୀଳଚକ୍ରରେ ଚିଲ ବସିବାର ଦୃଶ୍ୟ ଦେଖିବାକୁ ମିଳିଥିଲା। ଏହାର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହୋଇଥିଲା। ନୀଳଚକ୍ରରେ ଚିଲ ବସିବାକୁ ଅଶୁଭ ବୋଲି କୁହାଯାଏ। ଏପରିକି କଣ ବଡ଼ ବିପତ୍ତି ଆସିବା ନେଇ ମଧ୍ୟ କଳ୍ପନା ଜଳ୍ପନା ପ୍ରକାଶ ପାଇଥିଲା। ଗତ ୧୦ ଦିନ ଭିତରେ ଶ୍ରୀମନ୍ଦିରର ନୀଳଚକ୍ରରେ ଦୁଇ ଥର ଚିଲ ବସିଥିଲା। ଏହାର ଦୃଶ୍ୟକୁ ବଡ଼ଦାଣ୍ଡରେ ଥିବା ଭକ୍ତମାନେ ନିଜର ମୋବାଇଲରେ କଏଦ କରିଥିଲେ।