ପଶ୍ଚିମବଙ୍ଗରେ ବିସ୍ଫୋରଣ: ୭ ମୃତ

ଓଡ଼ିଆ ନ୍ୟୁଜ୍ (ବ୍ୟୁରୋ): କୋଲକାତାରେ ପୁଣି ବିସ୍ଫୋରଣ । ପଶ୍ଚିମବଙ୍ଗର ଦତ୍ତପୁକୁରରେ ଥିବା ଏକ ବାଣ କାରଖାନାରେ ରବିବାର ବିସ୍ଫୋରଣ ହୋଇଛି। ଏଥିରେ ୭ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ସ୍ଥାନୀୟ ବାସିନ୍ଦାଙ୍କ ମତରେ ଅତିକମରେ ୬-୭ ଜଣଙ୍କ ମୃତ୍ୟୁ ହୋଇଛି।

ଏହି ବିସ୍ଫୋରଣରେ କିଛି ଘର କ୍ଷତିଗ୍ରସ୍ତ ହୋଇଛି। ଏଗରା, ବଜବଜ ପରେ ଏବେ ଦତ୍ତପୁକୁରରେ ବେଆଇନ ଭାବେ ଚାଲିଥିବା ଏହି ବାଣ କାରଖାନାରେ ବିସ୍ଫୋରଣ ହୋଇଛି।