ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ

ରାଜ୍ୟରେ ମହାମାରୀ କରୋନା ଭାଇରସ୍ ର ମୁକାବିଲା କରିବା ପାଇଁ ରାଜ୍ୟବାସୀ ଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପରାମର୍ଶ ଦେଇଛନ୍ତି l ଏକ ଭିଡିଓ ବାର୍ତ୍ତା ମାଧ୍ୟମରେ ମୁଖ୍ୟମନ୍ତ୍ରୀ ଓଡିଶାବାସୀ ଙ୍କୁ ସତର୍କ କରାଇଛନ୍ତି l ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ ବର୍ତ୍ତମାନ ପରିସ୍ଥିତି ହେଉଛି ଜୀବନ, ମରଣର ସମୟ l ବର୍ତ୍ତମାନ ଆମକୁ ସତର୍କ, ସଚେତନ ରହିବାକୁ ପଡିବ l ଓଡିଶା ସରକାରଙ୍କର ସମସ୍ତ କରୋନା ଜନିତ କଟକଣା କୁ ମାନିବାକୁ ପଡ଼ିବ l ଏଭଳି ସ୍ଥିତିରେ ରାଜ୍ୟ ସରକାର ଙ୍କ ସାଥ ଦେବାକୁ ମୁଖ୍ୟମନ୍ତ୍ରୀ କହିଛନ୍ତି l ମୁଖ୍ୟମନ୍ତ୍ରୀ ଆହୁରି ମଧ୍ଯ କହିଛନ୍ତି ଯେ ଗତ 10 ଦିନ ତଳେ ମୁଁ ଆପଣ ମାନଙ୍କ ସହ କଥା ହେଉଥିଲି ସେତେବେଳେ ଓଡିଶାରେ କରୋନା ଆକ୍ରାନ୍ତଙ୍କ ସଂଖ୍ୟା 61 ଥିଲା ବର୍ତ୍ତମାନ କିନ୍ତୁ ତାହା ଦୁଇଗୁଣିତ ହୋଇଛି l କିନ୍ତୁ କେହି ଡରନ୍ତୁ ନାହିଁ ଆମେ ସତର୍କ ରହିଲେ କରୋନା ମୁକାବିଲା କରିପାରିବା l ସେ ଆହୁରି ମଧ୍ୟ କହିଛନ୍ତି ଯେ 10 % ଲୋକ ମାନଙ୍କ ଭୁଲ୍ ପାଇଁ ସମସ୍ୟା 100 % ବଢ଼ିପାରେ l ତେଣୁ ପ୍ରଶାସନ କୁ ସାହାଯ୍ୟ କରନ୍ତୁ ବୋଲି ନିବେଦନ କରିଛନ୍ତି l ଆପଣ ମାନଙ୍କ ସହଯୋଗ ରେ ଆମେ ସ୍ଥିତି କୁ ନିୟନ୍ତ୍ରଣ କରିପାରିଛୁ l ଏବେ କିନ୍ତୁ ଦେଶର ସର୍ବାଧିକ କରୋନା ଆକ୍ରାନ୍ତ ରାଜ୍ୟ ମାନଙ୍କରୁ ଆମ ଭାଇ ଭଉଣୀ ମାନେ ଆସିବେ l ତେଣୁ ସଂକ୍ରମଣ ବଢ଼ିବାର ବହୁତ୍ ଆସଙ୍କା ରହିଛି l ତେଣୁ ସେମାନଙ୍କ ଦାୟିତ୍ଵ ଆମେ ନେବା l ଏହି କ୍ଷେତ୍ର ରେ ସରକାରଙ୍କୁ ଭରପୁର ସହଯୋଗ କରିବା l

ପ୍ରଥମେ ଆମ ପାଇଁ ଚ୍ୟାଲେଞ୍ଜ ଥିଲା ବିଦେଶରୁ ଫେରୁଥିବା ଓଡ଼ିଆ ଭାଇଭଉଣୀଙ୍କ ଯତ୍ନ ନେବା। ଓଡ଼ିଶା ପ୍ରଥମ ରାଜ୍ୟ, ଯିଏ କି ସେମାନଙ୍କ ପଞ୍ଜୀକରଣ ଆରମ୍ଭ କଲା। ସେତେବେଳେ ସରକାରଙ୍କୁ ସହଯୋଗ କରିବା ପାଇଁ ମୁଁ ଅନୁରୋଧ କରିଥିଲି। ଆପଣମାନେ ସହଯୋଗ କଲେ। ଆମେ ପରିସ୍ଥିତିକୁ ଭଲ ଭାବରେ ନିୟନ୍ତ୍ରଣ କରିପାରିଲେ। #OdishaCares pic.twitter.com/MeUHziQuP5

— Naveen Patnaik (@Naveen_Odisha) April 29, 2020