ବ୍ରାଜିଲରେ ବନ୍ୟା ବିତ୍ପାତ: ମୃତ୍ୟୁ ସଂଖ୍ୟା ୯୧କୁ ବୃଦ୍ଧି

ଓଡ଼ିଆ ନ୍ୟୁଜ୍ (ବ୍ୟୁରୋ): ବନ୍ୟା ଜଳରେ ଭାସୁଛି ବ୍ରାଜିଲ । ବ୍ରାଜିଲର ବନ୍ୟାରେ ମୃତ୍ୟୁସଂଖ୍ୟା ୯୧ କୁ ବୃଦ୍ଧି ପାଇଛି ଏବଂ ୨୪ ରୁ ଅଧିକ ଲୋକ ନିଖୋଜ ଅଛନ୍ତି। ଉତ୍ତର ବ୍ରାଜିଲର ପର୍ନାମ୍ବକୋ ରାଜ୍ୟର ଅଧିକାରୀମାନେ ଏହି ସୂଚନା ଦେଇଛନ୍ତି। ସରକାରୀ ବିବୃତ୍ତି ଅନୁଯାୟୀ, ନିଖୋଜ ୨୬ ଜଣଙ୍କ ସନ୍ଧାନରେ ରାଜ୍ୟ ତଥା କେନ୍ଦ୍ର ସରକାରଙ୍କ ଶହ ଶହ ଉଦ୍ଧାର କର୍ମଚାରୀ ନିୟୋଜିତ ଅଛନ୍ତି।

ରାଷ୍ଟ୍ରପତି ଜାୟର ବୋଲସନାରୋ ସୋମବାର ଦିନ ପର୍ନାମ୍ବକୋର ରାଜଧାନୀ ରେସିଫ୍ ଏବଂ ଜାବୋଟାଓ ଡସ୍ ଗୁଆରାପ୍ସର ଆଖପାଖ ଅଞ୍ଚଳ ଉପରେ ଏକ ବିମାନ ସର୍ଭେ କରିଥିଲେ। ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ରାଷ୍ଟ୍ରପତି କହିଛନ୍ତି ଯେ ଭୂମିରେ ପରିସ୍ଥିତି ଏପରି ନଥିଲା ଯେ ହେଲିକପ୍ଟର ଅବତରଣ ହୋଇପାରିବ। ବୋଲସନାରୋ କହିଛନ୍ତି ଯେ ବିପର୍ୟ୍ୟୟରେ ପ୍ରାଣ ହରାଇ ସେ ଦୁଃଖିତ ଏବଂ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି।

ପ୍ରବଳ ବର୍ଷା ପରେ ଭୂସ୍ଖଳନ ପରିସ୍ଥିତି ବିଗିଡି ଯାଉଛି
ଗତ ସପ୍ତାହରେ ପର୍ନାମ୍ବକୋରେ ପ୍ରବଳ ବର୍ଷା ହେତୁ ଶୁକ୍ରବାର ଦିନ ଭୂସ୍ଖଳନ ଘଟିଥିଲା। ଏହାଦ୍ୱାରା ପ୍ରାକୃତିକ ବିପର୍ୟ୍ୟୟର ଶିକାର ହୋଇଥିବା ପାହାଡଗୁଡିକରେ ବ୍ୟାପକ କ୍ଷତି ଘଟିଥିଲା ଜ୍ଝ ଏକ ସାମ୍ବାଦିକ ସମ୍ମିଳନୀରେ ଆଞ୍ଚଳିକ ବିକାଶ ମନ୍ତ୍ରୀ ଡାନିଏଲ ଫେରେରା କହିଛନ୍ତି ଯେ ସରକାର ଜରୁରୀକାଳୀନ ପରିସ୍ଥିତି ଘୋଷଣା କରିଥିବା ମ୍ୟୁନିସିପାଲିଟିମାନଙ୍କୁ ଅର୍ଥ ଯୋଗାଇବା ପାଇଁ କାର୍ୟ୍ୟ କରୁଛନ୍ତି। ଏହିପରି ବିପର୍ୟ୍ୟୟ ଦ୍ୱାରା ପ୍ରଭାବିତ ସହରଗୁଡିକ ପାଇଁ ଉପଲବ୍ଧ ଏକ ନୂତନ କ୍ରେଡିଟ୍ ଲାଇନ୍ ବିଷୟରେ ସେ ଉଲ୍ଲେଖ କରିଛନ୍ତି।