ବାମନଘାଟୀ କରଣ ସମାଜର ବନ୍ଧୁ ମିଳନ କାର୍ଯ୍ଯକ୍ରମ ଅନୁଷ୍ଠିତ

ଓଡ଼ିଆ ନ୍ୟୁଜ,(ବ୍ୟୁରୋ): ବାମନଘାଟୀ କରଣ ସମାଜର ବନ୍ଧୁ ମିଳନ କାର୍ଯ୍ଯକ୍ରମ ଅନୁଷ୍ଠିତ | ବାମନଘାଟୀ କରଣ ସମାଜର ବନ୍ଧୁ ମିଳନ କାର୍ଯ୍ଯକ୍ରମ ସ୍ଥାନୀୟ ପିସିଏମ୍ କଲ୍ଯାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି |

କାର୍ଯ୍ଯକ୍ରମ ପ୍ରାରମ୍ଭରେ ବାମନଘାଟୀ କରଣ ସମାଜର ସଭାପତି ପ୍ରଦୀପ୍ତ କୁମାର ମହାନ୍ତି ତଥା ବୟୋଜ୍ଯେଷ୍ଠ କରଣ ସାଆନ୍ତ ମନୋରଞ୍ଜନ ମହାନ୍ତି,କୁଷ୍ଣ ବିହାରୀ ମହାନ୍ତି, ହିମାଂଶୁ ଶେଖର ପଟ୍ଟନାୟକ,ବରିଷ୍ଠ ଆଇନଜୀବୀ ପ୍ରଦୀପ ଦାସ, ଆରତୀ ମହାନ୍ତି, ଆଭାରାଣୀ ଦାସ ପ୍ରମୁଖ କରଣମାନଙ୍କ ଆରାଧ୍ଯ ଦେବତାଙ୍କୁ ପୂଜାର୍ଚ୍ଚନା ପୂର୍ବକ କାର୍ଯ୍ଯକ୍ରମର ଶୁଭାରମ୍ଭ କରିଥିଲେ | ତତ୍ପରେ ଉପସ୍ଥିତ କରଣ ପରିବାରମାନଙ୍କୁ ମହାପ୍ରସାଦ ବଣ୍ଟନ ଓ କରଣମାନଙ୍କ ପ୍ରତୀକ ଭାବେ ସମସ୍ତ ପରିବାର ମୁଖ୍ଯଙ୍କୁ ଗୋଟିଏ ଲେଖାଏଁ କଲମ ବଣ୍ଟନ କରାଯାଇଥିଲା |

ନିକଟରେ ଇହଧାମ ତ୍ଯାଗ କରିଥିବା କରଣ ସାଆନ୍ତ ଓ ସାଆନ୍ତାଣୀ ମାନଙ୍କୁ ଅମର ଆତ୍ମାର ସଦଗତି ନିମନ୍ତେ ଏକ ମିନିଟ ନିରବ ପ୍ରାର୍ଥନା କରାଯାଇ ବରିଷ୍ଠ କରଣ ସାଆନ୍ତ ନିଗମାନନ୍ଦ ପଟ୍ଟନାୟକ କରଣ ସମାଜର ଗଠନ ଓ କାର୍ଯ୍ଯାବଳୀ ସମ୍ବନ୍ଧରେ ବିସ୍ତୁତ ସୂଚନା ପ୍ରଦାନ କରିଥିଲେ | ଉକ୍ତ କାର୍ଯ୍ଯକ୍ରମରେ ପୁଷ୍ପଲତା ମହାନ୍ତି ମଞ୍ଚ ପରିଚାଳନା କରିଥିଲେ ତଥା ସମସ୍ତେ ସକ୍ରିୟ ସହଯୋଗ କରିଥିଲେ |