କରଞ୍ଜିଆ ବ୍ଲକ ପକ୍ଷରୁ ଲକ୍ଷପତି ଦିଦି ମାନଙ୍କ ସମ୍ବର୍ଦ୍ଧନା ଉତ୍ସବ

ଓଡ଼ିଆ ନ୍ୟୁଜ,(ବ୍ୟୁରୋ): ଓଡ଼ିଶା ଜୀବିକା ମିଶନ ଓ ମିଶନଶକ୍ତି ବିଭାଗ ଓଡ଼ିଶା ସରକାରଙ୍କ ମିଳିତ ସହଯୋଗରେ ଜାତୀୟ ଗ୍ରାମୀଣ ଜୀବିକା ମିଶନ ଦ୍ୱାରା କରଞ୍ଜିଆ ବ୍ଲକ ପକ୍ଷରୁ ବ୍ଲକ୍ ସମ୍ମିଳନୀ କକ୍ଷରେ ଆଜି ବ୍ଲକର ଲକ୍ଷପତି ଦିଦି ମାନଙ୍କ ସମ୍ବର୍ଦ୍ଧନା ଉତ୍ସବ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ଦେବାଶିଷ ସାହୁଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଥିଲା।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କରଞ୍ଜିଆ ପଞ୍ଚାୟତ ସମିତି ଉପାଧ୍ୟକ୍ଷ ଛତିଶ ଚନ୍ଦ୍ର ମହାନ୍ତ, ସମ୍ମାନିତ ଅତିଥି ଭାବେ ବଳା ସରପଞ୍ଚ ସ୍ମିତା ନାଏକ, ଚିତ୍ରପଶି ସରପଞ୍ଚ ଗୀତାରାଣୀ ନାଏକ  ଓ କୁଳିପଶି ପଞ୍ଚାୟତ ସରପଞ୍ଚ ସୁଖମତୀ ସର୍ଦ୍ଦାର ଉପସ୍ଥିତ ଥିଲେ। ବିଭିନ୍ନ କ୍ଷେତ୍ରରେ ପାରଦର୍ଶିତା ଲଭିଥିବା ମୋଟ୍ ୧୨୪ ଜଣ ଲକ୍ଷପତି ଦିଦି ମାନଙ୍କୁ ମାନପତ୍ର ପ୍ରଦାନ କରି ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।

ଏହି କାର୍ଯ୍ୟକ୍ରମକୁ ବିଏଲସି ଦୀପ୍ତି ପଣ୍ଡା ପରିଚାଳନା କରିଥିବା ବେଳେ ମିଶନଶକ୍ତି ପ୍ରକଳ୍ପ ସଂଯୋଜକ ଅମରଜିତ ନାୟକ, ଶାନ୍ତନୁ ଦଣ୍ଡସେନା ଓ ମାଷ୍ଟର ବୁକ୍ କିପର ପଦ୍ମିନୀ ସାମଲ ସହଯୋଗ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ଗୋଷ୍ଠୀ ସହାୟିକା, ବ୍ୟାଙ୍କ ମିତ୍ର, କୃଷି ମିତ୍ର ପ୍ରାଣୀ ମିତ୍ର,ବ୍ଲକ ସ୍ତରୀୟ ସ୍ୱୟଂ ସହାୟିକା ଗୋଷ୍ଠୀ ଫେଡେରେସନ ନେତୃବୃନ୍ଦ ଓ ଗ୍ରାମପଞ୍ଚାୟତ ସ୍ତରୀୟ ଫେଡେରେସନ ନେତୃବୃନ୍ଦ ଉପସ୍ଥିତ ଥିଲେ।