୮ଟି ଷଣ୍ଢ ଉପରେ ମାଡ଼ିଗଲା ଆଇରନ ଟ୍ରକ୍

ଓଡ଼ିଆ ନ୍ୟୁଜ,(ବ୍ୟୁରୋ):  ବାସୁଦେବପୁର ଚାନ୍ଦିମାଳ ରାସ୍ତାରେ ଆଇରନ ବୋଝେଇ ଟ୍ରକ ଧକ୍କାରେ ଏକାଧିକ ଷଣ୍ଢଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି । ଗତକାଲି ରାତିରେ ପାରାପୋଖରୀ ଛକ ନିକଟ ରାସ୍ତାରେ ଷଣ୍ଢମାନେ ଶୋଇଥିଲେ।

ଏହି ସମୟରେ ଏକ ଆଇରନ ଟ୍ରକଟି ଦ୍ରୁତ ଗତିରେ ଆସି ଶଣ୍ଢମାନଙ୍କ ଉପରେ ମାଡ଼ି ଯାଇଥିଲା। ଘଟଣାସ୍ଥଳରେ ୮ଟି ଷଣ୍ଢଙ୍କର ମୃତ୍ୟୁ ଘଟିଥିଲା। ଆଜି ସକାଳେ ଏହି ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ପ୍ରତିବାଦରେ ଚାନ୍ଦିମାଳ ଛକରେ ରାସ୍ତା ରୋକ୍‌ କରାଯାଇଥିବା ବେଳେ ଆଇରନ ଟ୍ରକ ଚଳାଚଳ ବନ୍ଦ ରହିଛି।

ବେପାରୁଆ ଗାଡ଼ି ଚାଳନା ବନ୍ଦ କରିବା ସହ ସ୍ଥାୟୀ ଗୋଶାଳା ନିର୍ମାଣ ଦାବିରେ ସ୍ଥାନୀୟ ଲୋକ ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଫଳରେ ଉଭୟ ପାର୍ଶ୍ୱରେ ଗାଡ଼ିମୋଟର ଅଟକି ରହିଛି। ପୁଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛି।