ଜାମ୍ମୁକାଶ୍ମୀର ପୁଞ୍ଚ ରେ ଆତଙ୍କବାଦୀ ଆକ୍ରମଣ ଘଟଣାର ତଦନ୍ତ କରିବ NIA

ଓଡ଼ିଆ ନ୍ୟୁଜ୍ (ବ୍ୟୁରୋ): ପୁଞ୍ଚ, ଜାମ୍ମୁ କାଶ୍ମୀରରେ ସେନା ଗାଡି ଉପରେ ହୋଇଥିବା ଆତଙ୍କବାଦୀ ଆକ୍ରମଣର ଏନଆଇଏ ଯାଞ୍ଚ କରିବ। ପରିସ୍ଥିତିକୁ ଅନୁଧ୍ୟାନ କରିବା ପାଇଁ ଏନଆଇଏର ଏକ ୫ ଜଣିଆ ଟିମ୍ ଆଜି ଘଟଣାସ୍ଥଳରେ ପହଞ୍ଚିବେ ଜ୍ଝ ଗୁରୁବାର ଦିନ ଏକ ସେନା ଟ୍ରକ ଉପରେ ହୋଇଥିବା ଆକ୍ରମଣରେ ଜଣେ ଯବାନ ଆହତ ହୋଇଥିବାବେଳେ ୫ ଜଣ ଯବାନ ସହିଦ ହୋଇଥିଲେ। ଯେତେବେଳେ ସେନା ଟ୍ରକ ଭୀମର ଗାଲିରୁ ପୁଞ୍ଚ ଅଭିମୁଖେ ଯାଉଥିଲା ସେତେବେଳେ ଏହି ଆକ୍ରମଣ ହୋଇଥିଲା।
ଆତଙ୍କବାଦୀଙ୍କ ସନ୍ଧାନ ଜାରି ରହିଛି
ସେପଟେ ସୁରକ୍ଷା ବାହିନୀ ସବୁଆଡେ ଖୋଜିବା ଆରମ୍ଭ କରି ଦେଇଛନ୍ତି। ଡ୍ରୋନ୍ ସାହାଯ୍ୟରେ ଜଙ୍ଗଲର ପ୍ରତ୍ୟେକ କୋଣ ଉପରେ ନଜର ରଖାଯାଉଛି। ବର୍ତ୍ତମାନ ମିଳିଥିବା ସୂଚନା ଅନୁଯାୟୀ, ଏହି ଆକ୍ରମଣ ତିନିରୁ ଚାରି ଆତଙ୍କବାଦୀ ଦ୍ୱାରା କରାଯାଇଥିଲା ଜ୍ଝ ଆକ୍ରମଣ ପୂର୍ବରୁ ଏହି ଅଞ୍ଚଳର ରେକି କରାଯାଇଥିଲା।
ଇସ୍ପାତ ଗୁଳି ଉଦ୍ଧାର ହୋଇଛି
ଆତଙ୍କବାଦୀମାନେ ମଧ୍ୟ ଆକ୍ରମଣ ପରେ ଖସିଯିବାକୁ ସମ୍ପୂର୍ଣ୍ଣ ମାର୍ଗ ଯୋଜନା ପ୍ରସ୍ତୁତ କରିଥିଲେ। ଏଥି ସହ ଘଟଣାସ୍ଥଳରୁ ଇସ୍ପାତ ଗୁଳି ମଧ୍ୟ ଉଦ୍ଧାର କରାଯାଇଛି। ଏହି ବୁଲେଟ୍ ଅତ୍ୟନ୍ତ ମାରାତ୍ମକ, ଏହାର ବୁଲେଟ୍ ପ୍ରୁଫ୍ ଜ୍ୟାକେଟ୍ ମଧ୍ୟ ଭିତରକୁ ପ୍ରବେଶ କରିବାର କ୍ଷମତା ଅଛି ଜ୍ଝ ସୂଚନାନୁସାରେ, ଗ୍ରେନେଡ ଆକ୍ରମଣ ପରେ ଆତଙ୍କବାଦୀମାନେ ଇସ୍ପାତ ଗୁଳିରେ ଗୁଳି ଚଳାଇଥିଲେ। ନାକାରିଙ୍କ କହିବାନୁସାରେ, ଟ୍ରକରେ ନିଆଁ ଲାଗିଯିବା ପରେ ମଧ୍ୟ ଆତଙ୍କବାଦୀମାନେ ଯବାନଙ୍କ ଉପରକୁ ଗୁଳି ଚଳାଇଥିଲେ।