ଭବ୍ୟ ସ୍ୱାଗତ ସହକାରେ ଶିଶୁ ମହୋତ୍ସବରେ ଯୋଗ ଦେଲେ ମହାକାଳପଡ଼ା ବିଧାୟକ 

ଓଡ଼ିଆ ନ୍ୟୁଜ,(ବ୍ୟୁରୋ): ଶିଶୁ ଦିବସ ଅବସର ରେ ମହାକାଳପଡ଼ା ବ୍ଲକ ଅଧୀନ ଜୟଚନ୍ଦ୍ର ପୁର ପଂଚାୟତ ଅଧୀନ ମିତ୍ର ଶକ୍ତି କ୍ଳବ, ସାନ ଗାଁ ତରଫରୁ ଗ୍ରାମସ୍ଥ ରାମନବମୀ ପଡିଆରେ ଦ୍ୱାଦଶ ତମ ଶିଶୁ ମହୋତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | କାର୍ଯ୍ୟକ୍ରମ ରେ ଯୋଗ ଦେବା କୁ ଆସିବା ବାଟରେ ମୁଖ୍ୟ ଅତିଥି ତଥା ସ୍ଥାନୀୟ ବିଧାୟକ ଡା ଦୁର୍ଗା ପ୍ରସନ୍ନ ନାୟକ ଦଳୀୟ କର୍ମୀ ଙ୍କ ଗହଣରେ ଆସି ସଭା ସ୍ଥଳୀରେ ପହଂଚିଥିଲେ |

କାର୍ଯ୍ୟକ୍ରମ ରେ ମୁଖ୍ୟ ଅତିଥି ଶ୍ରୀନାୟକ ଙ୍କ ସହିତ ,ସମାଜ ସେବୀ ଚିତ୍ତ ଦାସ ଓ ରଶ୍ମିରଂଜନ ରାଉତ ସମ୍ମାନୀୟ ଅତିଥି ଓ ପଂଚାୟତ ର ନାଏବ ପଞ୍ଚ ଦୁର୍ଯ୍ୟୋଧନ ପାଇଟାଳ ଆମନ୍ତ୍ରିତ ଅତିଥି ଭାବେ ଯୋଗ ଦେଇଥିଲେ | ଏତଦ ବ୍ୟତୀତ କ୍ଳବ ର ସଭାପତି ସୁରେଶ ଚନ୍ଦ୍ର ବସନ୍ତିଆ, ସମ୍ପାଦକ ସଞ୍ଜୟ ମହାନ୍ତି, ଉପସଭାପତି ବୁଲୁ ସାମଲ, ଯୁଗ୍ମ ସମ୍ପାଦକ ମନୋରଞ୍ଜନ ସ୍ୱାଇଁ, କୋଷାଧ୍ୟକ୍ଷ କାର୍ତ୍ତିକ ଚନ୍ଦ୍ର ବାରିକ ଆଦି ସହଯୋଗୀ ଭାବେ ମଞ୍ଚାରେ ଉପସ୍ଥିତ ଥିଲେ l ଆୟୋଜିତ ସଭାରେ ସର୍ବେଶ୍ୱର ବେହେରା ସଭାପତିତ୍ୱ କରିଥିବା ବେଳେ ଦିଲ୍ଲୀପ କୁମାର ନାଥ ବିବରଣୀ ପାଠ କରିଥିଲେ l

ପରେ ପରେ ସ୍ଥାନୀୟ ଅଞ୍ଚଳ ଦୀର୍ଘ ଦିନର ଅନେକ ସମସ୍ୟା ର ସମାଧାନ ନେଇ କ୍ଳବ ର ସଦସ୍ୟ ମାନେ ବିଧାୟକ ଙ୍କ ନିକଟରେ ଦାବି ରଖିଥିଲେ lକାର୍ଯ୍ୟକ୍ରମ ଉପଲକ୍ଷେ କୁଇଜ, ମ୍ୟୁଜିକ ଚେୟାର, ସଂଗୀତ ବକ୍ତୃତା, ସୃଜନ ଶୀଳ, ଚିତ୍ରାଙ୍କନ ଓ ଏକକ ଅଭିନୟ ଆଦି ପ୍ରତିଯୋଗିତା ସିନିୟର, ଜୁନିୟର ଓ ସବଜୁନିୟର ଭାବେ ଆଖ ପାଖ ୩୧ଗୋଟି ବିଦ୍ୟାଳୟ ର ଛାତ୍ର /ଛାତ୍ରୀ ଙ୍କ ମଧ୍ୟରେ ଅନୁଷ୍ଠିତ ହୋଇଯାଇଛି l ପ୍ରତିଯୋଗିତା ରେ କୃତିତ୍ୱ ହାସଲ କରିଥିବା ୫୧ଜଣ ଛାତ୍ର /ଛାତ୍ରୀଙ୍କୁ ମୁଖ୍ୟ ଅତିଥି ଓ ସମ୍ମାନୀୟ ଅତିଥି ମାନେ ପୁରସ୍କାର ପ୍ରଦାନ କରିଥିଲେ l