ଆଜି ନାଗାଲାଣ୍ଡ-ମେଘାଳୟ ବିଧାନସଭା ନିର୍ବାଚନ: ଭୋଟ୍ ଦେବାକୁ ମୋଦୀଙ୍କ ଅପିଲ୍
ଓଡ଼ିଆ ନ୍ୟୁଜ୍(ବ୍ୟୁରୋ): ଆଜି (ଫେବୃଆରୀ ୨୭) ମେଘାଳୟ ଏବଂ ନାଗାଲାଣ୍ଡରେ ବିଧାନସଭା ନିର୍ବାଚନ ପାଇଁ ମତଦାନ ଚାଲିଛି। ଭୋଟ୍ ପ୍ରକ୍ରିୟା ଅପରାହ୍ନ ୪ ଟା ପର୍ୟ୍ୟନ୍ତ ଚାଲିବ। ଉଭୟ ରାଜ୍ୟରେ ମୋଟ ୧୧୮ ବିଧାନସଭା ଆସନ ପାଇଁ ମତଦାନ ଅନୁଷ୍ଠିତ ହୋଇଯାଇଛି। ମେଘାଳୟର ୫୯ ଟି ଆସନରେ ଭୋଟ୍ ଚାଲିଥିବାବେଳେ ନାଗାଲାଣ୍ଡରେ ମଧ୍ୟ ୫୯ ଟି ଆସନରେ ଭୋଟ୍ ପ୍ରକ୍ରିୟା ଚାଲିଛି। ମାର୍ଚ୍ଚ ୨ ରେ ଉଭୟ ରାଜ୍ୟର ଫଳାଫଳ ପ୍ରକାଶ ପାଇବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମେଘାଳୟ ଏବଂ ନାଗାଲାଣ୍ଡର ଲୋକଙ୍କୁ ଭୋଟ୍ ପ୍ରକ୍ରିୟାରେ ଭାଗ ନେବାକୁ ଅନୁରୋଧ କରିଛନ୍ତି। ପ୍ରଧାନମନ୍ତ୍ରୀ ଟ୍ୱିଟ୍ କରି ଲେଖିଛନ୍ତି, ମୁଁ ମେଘାଳୟ ଏବଂ ନାଗାଲାଣ୍ଡର ଲୋକଙ୍କୁ ବିଶେଷ କରି ଯୁବକ ଏବଂ ପ୍ରଥମ ଥର ଭୋଟରଙ୍କୁ ରେକର୍ଡ ସଂଖ୍ୟାରେ ଭୋଟ୍ ଦେବାକୁ ଅନୁରୋଧ କରୁଛି।
ରାଜ୍ୟବାସୀଙ୍କୁ ଅମିତ ଶାହାଙ୍କ ଅନୁରୋଧ …
କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଧ୍ୟ ଟ୍ୱିଟ କରି ରାଜ୍ୟବାସୀଙ୍କୁ ଭୋଟ୍ରେ ଭାଗ ନେବାକୁ ନିବେଦନ କରିଛନ୍ତି। ସେ ଟ୍ୱିଟ୍ କରି ଲେଖିଛନ୍ତି, ଆଜି ନାଗାଲାଣ୍ଡରେ ମତଦାନ ଚାଲିଛି। ମୁଁ ନାଗାଲାଣ୍ଡର ଭଉଣୀ ଏବଂ ଭାଇମାନଙ୍କୁ ଅନୁରୋଧ କରୁଛି ଯେ ପୂର୍ବରୁ ଆରମ୍ଭ ହୋଇଥିବା ଶାନ୍ତି ପ୍ରକ୍ରିୟା କୌଣସି ପ୍ରତିବନ୍ଧକ ସାମ୍ନା କରିବ ନାହିଁ। କେବଳ ଶାନ୍ତି ନାଗାଲାଣ୍ଡକୁ ପ୍ରଗତି ଏବଂ ବିକାଶର ଲକ୍ଷ୍ୟସ୍ଥଳକୁ ନେଇପାରିବ ଜ୍ଝ