ତୁର୍କୀରେ ଭୟଙ୍କର ଭୂମିକମ୍ପ: ୧୫ଜଣଙ୍କ ମୃତ୍ୟୁ

ଓଡ଼ିଆ ନ୍ୟୁଜ୍ (ବ୍ୟୁରୋ): ତୁର୍କୀର ନୁରଦାଗି ଠାରୁ ୨୩ କିଲୋମିଟର ପୂର୍ବରେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଥିଲା। ଚାରିଆଡେ ବିନାଶର ଦୃଶ୍ୟ ଦେଖିବାକୁ ମିଳୁଛି ଜ୍ଝ ମୃତ୍ୟୁ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଏପର୍ୟ୍ୟନ୍ତ ୧୫ ଜଣଙ୍କ ମୃତ୍ୟୁ ଖବର ସାମ୍ନାକୁ ଆସିଛି। ଏଥିମଧ୍ୟରୁ ଓସମାନିଆରେ ୫ ଜଣ ଏବଂ ସାନ୍ଲିରୁଫାରେ ୫ ଜଣଙ୍କର ମୃତ୍ୟୁ ଘଟିଛି। ତୁର୍କୀର ଆଡାନା ସହରରେ ୧୭ ମହଲା ଏବଂ ୧୪ ମହଲା କୋଠା ଭୁଶୁଡି ପଡିଛି ଜ୍ଝ

ବିଏନଏ ନ୍ୟୁଜ୍ ଅନୁଯାୟୀ, ରିଆକ୍ଟର ସ୍କେଲରେ ଭୂକମ୍ପର ତୀବ୍ରତା ୭.୮ ରେ ମାପ କରାଯାଇଥିଲା। ଦକ୍ଷିଣ ତୁର୍କୀରେ ଏହି ଭୂକମ୍ପ ଘଟିଛି। ଅନେକ ଆପାର୍ଟମେଣ୍ଟ ଏଠାରେ ଭୁଶୁଡି ପଡିଛି ଜ୍ଝ ଲୋକଙ୍କୁ ସୁରକ୍ଷିତ ସ୍ଥାନକୁ ଯିବାକୁ କୁହାଯାଇଛି। ଏଥି ସହିତ ଭୂକମ୍ପ ପରେ ତୁର୍କୀ ଆନ୍ତର୍ଜାତୀୟ ସହାୟତା ପାଇଁ ନିବେଦନ କରିଛି। ହାବର୍ଟର୍କ ଟେଲିଭିଜନ ରିପୋର୍ଟ କରିଛି ଯେ ପଡୋଶୀ ମାଲାଟିଆ, ଡିଆରବାକିର ଏବଂ ମାଲାଟିଆରେ ଅନେକ କୋଠା ଭୁଶୁଡି ପଡିଛି।

ସ୍ଥାନୀୟ ସମୟ ସକାଳ ୪:୧୭ ରେ ପ୍ରାୟ ୧୭.୯ କିଲୋମିଟର ଗଭୀରରେ ଏହି ଭୂକମ୍ପ ଘଟିଛି। ଏଥି ସହିତ ଆମେରିକାର ଭୂତତ୍ତ୍ୱ ସେବା କହିଛି ଯେ ସୋମବାର ଦକ୍ଷିଣ ତୁର୍କୀର ଗାଜିଆଣ୍ଟେପ ନିକଟରେ ୭.୮ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ଏହି କାରଣରୁ ତୁର୍କୀ ଏବଂ ସିରିଆରେ ବ୍ୟାପକ କ୍ଷୟକ୍ଷତିର ଖବର ସାମ୍ନାକୁ ଆସିଛି। ତୁର୍କୀର ବିପର୍ୟ୍ୟୟ ଏବଂ ଜରୁରୀକାଳୀନ ପରିଚାଳନା ଏଜେନ୍ସି ଏଏଫଏଡି କହିଛି ଯେ ଭୂକମ୍ପର ମାତ୍ରା ୭.୪ ମାପ କରାଯାଇଥିଲା ଏବଂ ଏହାର ଭୂକମ୍ପ କେନ୍ଦ୍ର କାହରାମନମାର ପ୍ରଦେଶର ପଜାରସିକ ସହରରେ ଥିଲା।

ତୁର୍କୀରେ ହାଇ ଆଲର୍ଟ ଜାରି କରାଯାଇଛି ଜ୍ଝ
ବିଏନଏ ନ୍ୟୁଜ୍ ଅନୁଯାୟୀ ତୁର୍କୀର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ ଶକ୍ତିଶାଳୀ ଭୂକମ୍ପ ପରେ ହାଇ ଆଲର୍ଟ ଘୋଷଣା କରାଯାଇଛି। ସୋସିଆଲ ମିଡିଆରେ ଏହାର ଅନେକ ଭିଡିଓ ମଧ୍ୟ ବାହାରକୁ ଆସୁଛି ଜ୍ଝ ଭୂକମ୍ପ ଦ୍ୱାରା ହୋଇଥିବା କ୍ଷୟକ୍ଷତି ଏହି ଭିଡିଓଗୁଡିକରେ ସ୍ପଷ୍ଟ ଭାବରେ ଦେଖିବାକୁ ମିଳେ ଜ୍ଝ