ଲୁଟ ଘଟଣାରେ ୬ ଗିରଫ; ୨୭ମୋବାଇଲ ଉଦ୍ଧାର

ଓଡ଼ିଆ ନ୍ୟୁଜ,(ବ୍ୟୁରୋ):  ଲୁଟ ଘଟଣାରେ ୬ ଗିରଫ, ୨୭ମୋବାଇଲ ଉଦ୍ଧାର | ବାଲେଶ୍ୱର ଜିଲାରେ ମୋବାଇଲ ଲୁଟେରାଙ୍କ ଏକ ବଡ ରାକେଟକୁ ପୋଲିସ ଧରିବାକୁ ସକ୍ଷମ ହୋଇଛି।

ବିଭିନ୍ନ ସ୍ଥାନରୁ ୬ଜଣ ଲୁଟେରାଙ୍କୁ ପୋଲିସ ଗିରଫ କରିଥିଲା ବେଳେ ସେମାନଙ୍କ ମଧ୍ୟରେ ୩ଜଣ ଚୋରା ମୋବାଇଲ କିଣିବା ଅଭିଯୋଗରେ ଗିରଫ ହୋଇଥିବା ସୂଚନା ଦେଇଛନ୍ତି ବାଲେଶ୍ୱର ଏସ୍ ପି।ସୂଚନା ଅନୁସାରେ ଫକିରମୋହନ ଅଞ୍ଚଳର ରାଜେନ୍ଦ୍ର ପଣ୍ଡା ଓ ଉମାକାନ୍ତ ମଲ୍ଲିକଙ୍କ ଅଭିଯୋଗ କ୍ରମେ ସଦର ଥାନାରେ ୪୪୬ ଓ ୪୫୮ ନଂରେ ଦୁଇଟି ମାମଲା ରୁଜୁ ହୋଇଥିଲା।

ଏହା ତଦନ୍ତ କରି ସଦର ଥାନା ପୋଲିସ ୬ଜଣ ଲୁଟେରାଙ୍କୁ ଗିରଫ କରିବା ସହ ସେମାନ୍ଙରକ ନିକଟରୁ ୨୭ ଟି ମୋବାଇଲ ଜବତ କରିଛି।ଘଟଣାରେ ଉଦ୍ଧାର କରାଯାଇଥିବା ମୋବାଇଲ ଗୁଡିକୁ ସମ୍ପୃକ୍ତ ମାଲିକ ମାନଙ୍କୁ ହସ୍ତାନ୍ତର କରାଯାଇଥିବା ଜଣାଯାଇଛି।