ଭାରତର ଗହମକୁ ଅନେକ ଦେଶର ପ୍ରତ୍ୟାଖ୍ୟାନ: ସରକାର ନେଲେ କଠୋର ନିଷ୍ପତି

ଓଡ଼ିଆ ନ୍ୟୁଜ୍ (ବ୍ୟୁରୋ): ରୁଷ-ୟୁକ୍ରେନ ଯୁଦ୍ଧ ପରଠାରୁ ଅନ୍ତର୍ଜାତୀୟ ବଜାରରେ ଗହମ ମୂଲ୍ୟ ପ୍ରବଳ ମାତ୍ରାରେ ମହଙ୍ଗା ହୋଇଛି । ମେ’ ମାସରେ ଗହମ ରପ୍ତାନି ଉପରେ ଭାରତ ଲଗାଇଥିବା ଏହି ପ୍ରତିବନ୍ଧକ ନିଆଁରେ ଘିଅ ଢାଳିବା ଭଳି କାର୍ଯ୍ୟ କରୁଛି । ଭାରତର ଗହମ ରପ୍ତାନି ଉପରେ ନିଷେଧାଦେଶ ହେତୁ ଆନ୍ତର୍ଜାତୀୟ ବଜାରରେ ଗହମର ମୂଲ୍ୟ ଆହୁରି ବୃଦ୍ଧି ପାଇଛି। ବର୍ତ୍ତମାନ, ଆନ୍ତର୍ଜାତୀୟ ବଜାରରେ ଗହମର ମୂଲ୍ୟ ୨୦୦୮ ର ରେକର୍ଡ ଉଚ୍ଚତାରୁ ୧୧ ପ୍ରତିଶତ କମ୍ ଅଟେ । ଏଥି ସହିତ ମେ ମାସରେ ଆନ୍ତର୍ଜାତୀୟ ଖାଦ୍ୟ ମୂଲ୍ୟ ୨.୧ ପ୍ରତିଶତ ହ୍ରାସ ପାଇଛି। କିନ୍ତୁ ଏହା ପୂର୍ବ ବର୍ଷ ତୁଳନାରେ ୧୮.୧ ପ୍ରତିଶତ ଅଧିକ ଥିଲା।

ମିଳିତ ଜାତିସଂଘର ଖାଦ୍ୟ ଏବଂ କୃଷି ସଂଗଠନ କହିଛି ଯେ ଚତୁର୍ଥ ମାସ ପାଇଁ ଆନ୍ତର୍ଜାତୀୟ ଗହମର ମୂଲ୍ୟ ହାରାହାରି ୫୬.୨% ବୃଦ୍ଧି ପାଇଛି ଏବଂ ମାର୍ଚ୍ଚ ୨୦୦୮ ର ରେକର୍ଡରୁ ଏହା ୧୧% କମ୍ ଅଟେ। ମେ ମାସରେ ଏଫଏଓ ଶସ୍ୟ ମୂଲ୍ୟ ସୂଚକାଙ୍କ ୧୭୩.୪ ପଏଣ୍ଟରେ ପହଞ୍ଚିଛି, ଏପ୍ରିଲ ତୁଳନାରେ ୩.୭ ପଏଣ୍ଟ କିମ୍ବା ୨.୨ ପ୍ରତିଶତ ଅଧିକ ଏବଂ ମେ ୨୦୨୧ ତୁଳନାରେ ୨୯.୭ ପ୍ରତିଶତ ୩୯.୭ ପଏଣ୍ଟ ଅଧିକ ।

ଭାରତର ସରକାରଙ୍କ ବାଣିଜ୍ୟ ମନ୍ତ୍ରଳାୟର ବୈଦେଶିକ ବ୍ୟାପାର ମହାନିର୍ଦ୍ଦେଶକ ୧୫ ଲକ୍ଷ ଟନ୍ ଗହମ ରପ୍ତାନୀ ଉପରେ ଆସିଥିବା ଆବେଦନକୁ ଖାରଜ କରିଛନ୍ତି। ବିଜନେସ୍ ଲାଇନ୍ ରିପୋର୍ଟ ମୁତାବମ ଗହମ ରପ୍ତାନୀ ପାଇଁ ସରକାର ଲେଟର୍ସ ଅଫ୍ କ୍ରେଡିଟ୍ ଜାରି କରିବା ପ୍ରକ୍ରିୟାକୁ କଡ଼ା କରି ଦେଇଛନ୍ତି। ଏଥି ପାଇଁ ବିଭିନ୍ନ ସ୍ତରରେ ଯାଞ୍ଚ ପ୍ରକ୍ରିୟା ଲାଗୁ କରିଛନ୍ତି। ଯାହା ଫଳରେ ମେ ମାସରେ ସରକାର ଗହମ ଉପରେ ଲାଗୁ କରିଥିବା ରପ୍ତାନୀ ନିୟମ ଅନୁଯାୟୀ ଅନୁକୂଳ ହେବା ଉଚିତ୍।