ଆମେରିକାରେ ପୁଣି ଗୁଳିମାଡ଼: ୬ ମୃତ, ୨୪ ଗୁରୁତର

ଓଡ଼ିଆ ନ୍ୟୁଜ୍ (ବ୍ୟୁରୋ): ଆମେରିକାରେ ବାରମ୍ବାର ଫୁଟୁଛି ଗୁଳି । ବିପର୍ଯ୍ୟସ୍ତ ହେଉଛି ଆଇନଶୃଙ୍ଖଳା ବ୍ୟବସ୍ଥା । ଆଉ ଏବେ ଆମେରିକାର ଚିକାଗୋ ସହରରେ ପୁଣି ଗୁଳିକାଣ୍ଡ ଘଟିଛି । ଗୁଳିକାଣ୍ଡରେ ୬ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଇଲିନୋଇଜ ସ୍ଥିତ ହାଇଲ୍ୟାଣ୍ଡ ପାର୍କରେ ଦୁର୍ବୃତ୍ତ ମାନେ ଗୁଳିକାଣ୍ଡ ଘଟାଇଥିବା ବେଳେ ଏଥିରେ ୬ଜଣଙ୍କ ମୃତ୍ୟୁ ହେବା ସହ ୨୪ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି । ଯୁଦ୍ଧକାଳୀନ ଭିତ୍ତିରେ ସେମାନଙ୍କର ଚିକିତ୍ସା ଚାଲିଛି । ମିଳିଥିବା ସୂଚନା ଅନୁସାରେ ଆହତଙ୍କ ମଧ୍ୟରୁ ୧୨ ଜଣଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପନ୍ନ ରହିଛି ।

ଆମେରିକାର ସ୍ୱାଧୀନତା ଦିବସ ପରେଡ୍ ଚାଲିଥିବା ବେଳେ ଦୁର୍ବୃତ୍ତ ମାନେ ଇଲିନୋଇଜ ସ୍ଥିତ ହାଇଲ୍ୟାଣ୍ଡ ପାର୍କରେ ପହଞ୍ଚି ଆଖିବୁଜା ଗୁଳିଚାଳନା କରିଥିଲେ । ଫଳରେ ଘଟଣାସ୍ଥଳରେ ୬ଜଣଙ୍କ ମୃତ୍ୟୁ ହୋଇଥିଲା ଏବଂ ୨୪ଜଣ ଗୁରୁତର ଆହତ ହୋଇଥିଲେ । ଘଟଣାକୁ ନେଇ ଆମେରିକା ରାଷ୍ଟ୍ରପତି ବାଇଡେନ୍ ଉଦବେଗ ପ୍ରକାଶ କରିବା ସହ କଡ଼ା ନିନ୍ଦା କରିଛନ୍ତି । ସେପଟେ ପୁଲିସ ଘଟଣାର ତଦନ୍ତ କରିବା ସହ ଦୁର୍ବୃତ୍ତ ମାନଙ୍କୁ ଗିରଫ କରିଛି । ଏହି ମୃତ୍ୟୁ ସଂଖ୍ୟା ଆଗକୁ ମଧ୍ୟ ବହୁରି ବଢିପାରେ ବୋଲି କୁହାଯାଉଛି ।