ଖାଦ୍ୟ ସୁରକ୍ଷା ନେଇ ଅନୁଷ୍ଠିତ ବୈଠକରେ ଯୋଗ ଦେଲେନି ରାଜ୍ୟର ଅନେକ ମନ୍ତ୍ରୀ; ଅନୁପସ୍ଥିତ ରାଜ୍ୟ ଭିତରେ ଓଡ଼ିଶା ସାମିଲ; ମନ୍ତ୍ରୀମାନଙ୍କୁ କଡ଼ା ନିନ୍ଦା କଲେ କେନ୍ଦ୍ର ଖାଦ୍ୟ ମନ୍ତ୍ରୀ ପୀୟୂଷ ଗୋୟଲ

ଆଜି ଦିଲ୍ଲୀରେ ଖାଦ୍ୟ ସୁରକ୍ଷା ଏବଂ ପୋଷଣ ସୁରକ୍ଷା ସମ୍ପର୍କରେ ରାଜ୍ୟର ଖାଦ୍ୟ ମନ୍ତ୍ରୀଙ୍କ ଏକ ବୈଠକ ଅନୁଷ୍ଠିତ ହୋଇଥିଲା। ବହୁ ରାଜ୍ୟର ମନ୍ତ୍ରୀ ଏହି ବୈଠକରେ ଯୋଗ ଦେଇନଥିଲେ। ଦିଲ୍ଲୀ, ରାଜସ୍ଥାନ, ବଙ୍ଗଳା, ତେଲେଙ୍ଗାନା, ଉତ୍ତରପ୍ରଦେଶ, ଓଡିଶା, ଆନ୍ଧ୍ରପ୍ରଦେଶ, ଝାଡଖଣ୍ଡ ଏବଂ ଅରୁଣାଚଳ ପ୍ରଦେଶର ମନ୍ତ୍ରୀମାନେ ଏଥିରେ ଭାଗ ନେଇ ନାହାଁନ୍ତି। ଏହି ରାଜ୍ୟଗୁଡ଼ିକର ମନ୍ତ୍ରୀମାନେ ସିଧାସଳଖ କିମ୍ବା ଅନଲାଇନ ମାଧ୍ୟମରେ ଏହି ସଭାରେ ଯୋଗ ଦେଇନାହାଁନ୍ତି। ଏ ସମ୍ପର୍କରେ କେନ୍ଦ୍ର ଖାଦ୍ୟ ମନ୍ତ୍ରୀ ପୀୟୁଷ ଗୋୟଲ ଗଣମାଧ୍ୟମ ସମ୍ମୁଖରେ ଏହି ମନ୍ତ୍ରୀମାନଙ୍କୁ କଡ଼ା ନିନ୍ଦା କରିଛନ୍ତି।

ଏହି ବୈଠକରେ ଯୋଗ ଦେଇଥିବା ଏହି ରାଜ୍ୟଗୁଡିକର ଅଧିକାରୀମାନଙ୍କୁ ଗୋୟଲ କହିଛନ୍ତି ଯେ ସେମାନଙ୍କ ମନ୍ତ୍ରୀଙ୍କ ଅନୁପସ୍ଥିତି ଉଲ୍ଲେଖ କରାଯାଇଛି। ଗୋୟଲ କ୍ରୋଧିତ ସ୍ୱରରେ କହିଛନ୍ତି ଯେ ଯଦି ସେହି ମନ୍ତ୍ରୀମାନେ ଖାଦ୍ୟ ସୁରକ୍ଷା ପ୍ରତି ଆଗ୍ରହୀ ନୁହଁନ୍ତି, ତେବେ ପରବର୍ତ୍ତୀ ସମୟରେ ସେହି ମନ୍ତ୍ରୀମାନେ ସେମାନଙ୍କୁ ଭେଟିବାରେ ଅସୁବିଧାର ସମ୍ମୁଖୀନ ହେବେ। ଗୋୟଲ କହିଛନ୍ତି ଯେ ସେ ନିଜେ ମୁମ୍ବାଇରେ ଗୁରୁତ୍ୱପୂର୍ଣ୍ଣ କାର୍ଯ୍ୟରେ ବ୍ୟସ୍ତ ଅଛନ୍ତି ଏବଂ ରାଷ୍ଟ୍ରପତି ନିର୍ବାଚନ ମଧ୍ୟ ଚାଲିଛି, ତଥାପି ସେ ଦିଲ୍ଲୀ ଫେରି ବିମାନବନ୍ଦରରୁ ସିଧା ସଭାରେ ପହଞ୍ଚିଛନ୍ତି। ଗୋୟଲ କହିଛନ୍ତି ଯେ ଦିଲ୍ଲୀର ମନ୍ତ୍ରୀ ଆସିବାକୁ ରାଜି ହୋଇଥିଲେ ମଧ୍ୟ ଆସିନାହାଁନ୍ତି।

ଜାତୀୟ ଖାଦ୍ୟ ସୁରକ୍ଷା ମିଶନ ଅଧୀନରେ ଖାଦ୍ୟ ବଣ୍ଟନ କ୍ଷେତ୍ରରେ ରାଜ୍ୟର ମାନ୍ୟତା 

ପ୍ରଥମ ମାନ୍ୟତା – ଓଡ଼ିଶା |

୨ୟ ମାନ୍ୟତା – ଉତ୍ତରପ୍ରଦେଶ |

୩ୟ ମାନ୍ୟତା- ଆନ୍ଧ୍ରପ୍ରଦେଶ 

୪ର୍ଥ ମାନ୍ୟତା- ଗୁଜୁରାଟ |

ପଞ୍ଚମ ମାନ୍ୟତା- ତ୍ରିପୁରା