ଗିରଫ ହୋଇପାରନ୍ତି ବଲିଉଡ ଅଭିନେତ୍ରୀ ଅମିଶା ପଟେଲ

ଓଡ଼ିଆ ନ୍ୟୁଜ୍ (ବ୍ୟୁରୋ): ବଲିଉଡ ଅଭିନେତ୍ରୀ ଅମିଶା ପଟେଲଙ୍କ ସହ ବଡ ଖବର ଆସୁଛି। ‘ଗଦର ୨’ ଅଭିନେତ୍ରୀ ଅସୁବିଧାରେ ଥିବା ଜଣାପଡିଛି। ପ୍ରକୃତରେ, ରାଞ୍ଚିର ଏକ ସିଭିଲ କୋର୍ଟ ଗୁରୁବାର ଦିନ ଅମିଶା ଏବଂ ତାଙ୍କ ବ୍ୟବସାୟିକ ସହଯୋଗୀ କ୍ରୁନାଲଙ୍କ ବିରୋଧରେ ଏକ ଠକେଇ ଏବଂ ଚେକ୍ ବାଉନ୍ସ ମାମଲାରେ ୱାରେଣ୍ଟ ଜାରି କରିଛନ୍ତି। ଏହି ଅଭିଯୋଗ ଆଣିଥିବା ଅଜୟ କୁମାର ସିଂ ଝାଡଖଣ୍ଡର ଜଣେ ଚଳଚ୍ଚିତ୍ର ନିର୍ମାତା। ସେ ହିଁ ଅମିଶା ପଟେଲ ଏବଂ ତାଙ୍କ ସହଯୋଗୀଙ୍କ ବିରୋଧରେ ମାମଲା ଦାୟର କରିଥିଲେ।

ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ୧୫ ରେ ହେବ।
ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ରାଞ୍ଚିର ସିଭିଲ କୋର୍ଟ ଏଥିରେ ଅସନ୍ତୋଷ ବ୍ୟକ୍ତ କରିଛନ୍ତି ଯେ ଅମିଶା ପାଟଲେ କିମ୍ବା ତାଙ୍କ ଓକିଲ ସେମାନଙ୍କ ମାମଲା ଉପସ୍ଥାପନ କରିବାକୁ ଡକାଯାଇଥିଲେ ମଧ୍ୟ କୋର୍ଟରେ ହାଜର ହୋଇନାହାଁନ୍ତି। ଏଥି ସହିତ ମାମଲାର ପରବର୍ତ୍ତୀ ଶୁଣାଣି ପାଇଁ ଏପ୍ରିଲ ୧୫ ତାରିଖ ଧାର୍ୟ୍ୟ କରାଯାଇଛି।

ଘଟଣା କଣ?
ରାଞ୍ଚି ଜିଲ୍ଲାର ହରମୁ ନିବାସୀ ଅଜୟ କୁମାର ସିଂ ଅଭିନେତ୍ରୀ ଅମିଶା ଏବଂ ତାଙ୍କ ବ୍ୟବସାୟିକ ସହଯୋଗୀଙ୍କ ବିରୋଧରେ ଠକେଇ ମାମଲା ଦାୟର କରିଥିଲେ। ଅଭିଯୋଗକାରୀଙ୍କ କହିବାନୁସାରେ, ଆମିଷା ତାଙ୍କୁ ଦେଶୀ ମ୍ୟାଜିକ୍ ନାମକ ଏକ ଚଳଚ୍ଚିତ୍ରରେ ଟଙ୍କା ବିନିଯୋଗ କରିବାକୁ ନିମନ୍ତ୍ରଣ କରିଥିଲେ। ଏହା ପରେ ସେ ଫିଲ୍ମ ନିର୍ମାଣ ଏବଂ ପ୍ରମୋସନ ପାଇଁ ଅମିଶାଙ୍କ ବ୍ୟାଙ୍କ ଆକାଉଣ୍ଟକୁ ୨.୫ କୋଟି ଟଙ୍କା ଟ୍ରାନ୍ସଫର କରିଥିଲେ। ଅଭିଯୋଗକାରୀଙ୍କ କହିବାନୁସାରେ, ଫିଲ୍ମର ସୁଟିଂ ୨୦୧୩ ରେ ଆରମ୍ଭ ହୋଇଥିଲା କିନ୍ତୁ ଫିଲ୍ମଟି ଏପର୍ୟ୍ୟନ୍ତ ଶେଷ ହୋଇନାହିଁ । ସେଥିପାଇଁ ଅଜୟ ଏବଂ ତାଙ୍କ ଟଙ୍କା ଅଜୟ ତାଙ୍କ ଟଙ୍କା ଫେରସ୍ତ ମାଗିଛନ୍ତି।