ଅଜିତ୍ ପାୱାର ମୁଖ୍ୟମନ୍ତ୍ରୀ ହେବାର ସୁଯୋଗ ପାଇବେ: ପ୍ରଫୁଲ୍ଲ ପଟେଲ
ଓଡ଼ିଆ ନ୍ୟୁଜ୍ (ବ୍ୟୁରୋ): ପୁଣି ଚର୍ଚ୍ଚାରେ ମହାରାଷ୍ଟ୍ର ରାଜନୀତି । ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାର ଜଣେ ଲୋକପ୍ରିୟ ତଥା ହେଭିୱେଟ୍ ନେତା। ସେ ମୁଖ୍ୟମନ୍ତ୍ରୀ ହେବାର ସୁଯୋଗ ପାଇବେ ବୋଲି ଏନ୍ସିପିର ରାଜ୍ୟସଭା ସଦସ୍ୟ ପ୍ରଫୁଲ ପଟେଲ କହିଛନ୍ତି। ଅଜିତ ପାୱାର ମୁଖ୍ୟମନ୍ତ୍ରୀ ହେବା ସଂକ୍ରାନ୍ତରେ ପ୍ରଫୁଲ ପଟେଲଙ୍କୁ ପ୍ରଶ୍ନ କରିବାରୁ ସେ କହିଛନ୍ତି, ଅଜିତ ପାୱାର ଅନେକ ବର୍ଷ ଧରି ଆମ ଦଳର ନେତୃତ୍ବ ନେଇଛନ୍ତି। ସେ ଜଣେ ଲୋକପ୍ରିୟ ଏବଂ ହେଭିୱେଟ୍ ନେତା।
ଯେଉଁମାନେ ବି କାମ କରନ୍ତି ସେମାନଙ୍କୁ ଆଜି ନହେଲେ କାଲି କିମ୍ବା ଯେକୌଣସି ଦିନ ସୁଯୋଗ ମିଳିବ। ଅନେକଙ୍କୁ ସୁଯୋଗ ମିଳିଛି। ଅଜିତ ଦାଦାଙ୍କୁ ମଧ୍ୟ ଏହି ସୁଯୋଗ ମିଳିବ। ଭବିଷ୍ୟତରେ ଯେକୌଣସି ଦିନ ତାଙ୍କୁ ମୁଖ୍ୟମନ୍ତ୍ରୀ ହେବା ସୁଯୋଗ ମିଳିବ।