ଆର୍ବିଆଇ ବଢ଼ାଇଲା ୨୦୦୦ ଟଙ୍କିଆ ନୋଟ୍ ବଦଳାଇବା ସମୟସୀମା
ଓଡ଼ିଆ ନ୍ୟୁଜ(ବ୍ୟୁରୋ): ଭାରତୀୟ ରିଜର୍ଭ ବ୍ୟାଙ୍କ(ଆର୍ବିଆଇ) ବଢ଼ାଇଲା ୦୦୦ ଟଙ୍କିଆ ନୋଟ୍ ବଦଳାଇବା ସମୟସୀମା। ପୂର୍ବ ଘୋଷଣା ମୁତାବକ ୨୦୨୩ ସେପ୍ଟେମ୍ବର ୩୦ ଏହାର ଶେଷ ତାରିଖ ଥିବା ବେଳେ ଏବେ ଏହାକୁ ୨୦୨୩ ଅକ୍ଟୋବର ୭ ଯାଏ ବଢ଼ାଇ ଦିଆଯାଇଛି। ଏହାଛଡ଼ା ଅକ୍ଟୋବର ୭ ପରେ ମଧ୍ୟ ୨୦୦୦ ଟଙ୍କିଆ ନୋଟ୍ ବୈଧ ରହିବ ବୋଲି ବ୍ୟାଙ୍କ କହିଛି।
ତେବେ ଏହି ନୋଟ୍କୁ ବ୍ୟାଙ୍କରେ ଜମା କରାଯାଇପାରିବ ନାହିଁ କିମ୍ବା ବଦଳାଯାଇ ପାରିବ ନାହିଁ। ଗ୍ରାହକ କେବଳ ୨୦,୦୦୦ ଟଙ୍କା ସୀମା ପର୍ଯ୍ୟନ୍ତ ନୋଟ୍କୁ ଆର୍ବିଆଇର ଇସ୍ୟୁ କାର୍ଯ୍ୟାଳୟଗୁଡ଼ିକରେ ବଦଳାଇ ଅନ୍ୟ ମୂଲ୍ୟର ନୋଟ୍ ଆଣିପାରିବେ। ଏଯାବତ ୯୬% ନୋଟ୍ ଫେରିଥିବା ବେଳେ ବାକି ନୋଟ୍ ସମୟସୀମା ମଧ୍ୟରେ ଫେରିପାରେ ବୋଲି ବ୍ୟାଙ୍କ କହିଛି।