ସୋସିଆଲ ମିଡିଆ ‘X’ , ହମାସ୍ ଆକାଉଣ୍ଟକୁ ହଟାଇ ଦେଇଛି
ଓଡ଼ିଆ ନ୍ୟୁଜ, ନୂଆଦିଲ୍ଲୀ : ଇଉରୋପୀୟ ୟୁନିଅନ୍ ଇସ୍ରୋ-ହାମାସ ବିବାଦ ବିଷୟରେ ବିଚ୍ଛିନ୍ନତା ଏବଂ ହିଂସାତ୍ମକ ବିଷୟବସ୍ତୁ ବିସ୍ତାରକୁ ନେଇ ଏଲୋନ୍ ମସ୍କଙ୍କ X ସୋସିଆଲ୍ ମିଡିଆ ପ୍ଲାଟଫର୍ମ ଉପରେ ଏକ ତଦନ୍ତ ଆରମ୍ଭ କରିଛି। ୟୁରୋପୀୟ କମିଶନ, ବ୍ଲକର କାର୍ଯ୍ୟନିର୍ବାହୀ ବାହୁ ଗୁରୁବାର ଦିନ ପ୍ଲାଟଫର୍ମ ଅବୈଧ ଏବଂ କ୍ଷତିକାରକ ବିଷୟବସ୍ତୁ ଉପରେ ନିୟମ ପାଳନ କରୁଛି କି ନାହିଁ ତାହା ଜାଣିବା ପାଇଁ ଏକ ବାଧ୍ୟତାମୂଳକ ଅନୁରୋଧ ଦାଖଲ କରିଛି। ଅକ୍ଟୋବର ୭ରେ ଇସ୍ରାଏଲ ଉପରେ ଅତର୍କିତ ଭାବେ ଆକ୍ରମଣ କରିଥିଲା ହମାସ୍।
ଏହି ଆକ୍ରମଣର ଜବାବ ମଧ୍ୟ ଦେଇଛି ଇସ୍ରାଏଲ। ଉଭୟ ଦେଶ ମଧ୍ୟରେ ସପ୍ତାହେରୁ ଅଧିକ ଦିନ ହେବ ଜାରି ରହିଛି ମହାଯୁଦ୍ଧ। ତେବେ ଇସ୍ରାଏଲ ଉପରେ ଆକ୍ରମଣ ହମାସ୍ ପାଇଁ ଏକ ବଡ଼ ସମସ୍ୟା ହୋଇଛି। ଇସ୍ରାଏଲ ଆକ୍ରମଣରେ ଧ୍ୱଂସସ୍ତୁପରେ ପରିଣତ ହୋଇଛି ଗାଜା ଷ୍ଟ୍ରିପ୍। ଏହାରି ମଧ୍ୟରେ ହମାସ୍ ଆତଙ୍କବାଦୀ ସଂଗଠନକୁ ଲାଗିଛି ଆଉ ଏକ ବଡ଼ ଝଟକା । ସୋସିଆଲ ମିଡିଆ ‘X’ ହମାସ୍ ସହ ଜଡ଼ିତ ବହୁ ଆକାଉଣ୍ଟକୁ ହଟାଇ ଦେଇଛି। ଆତଙ୍କବାଦୀ ସଂଗଠନ ପାଇଁ ‘X’ରେ କୌଣସି ସ୍ଥାନ ନାହିଁ ବୋଲି ଏଲନ୍ ମସ୍କ କହିଛନ୍ତି ।
ସୂଚନା ଅନୁସାରେ ୟୁରୋପୀୟ ୟୁନିଅନ୍ (EU) ମୁଖ୍ୟ ଥିଏରି ବ୍ରେଟନ୍ ଇସ୍ରାଏଲ୍-ହମାସ୍ ଯୁଦ୍ଧ ସମୟରେ ଇୟୁ ଅନଲାଇନ୍ ବିଷୟବସ୍ତୁ ନିୟମକୁ କିପରି ଅନୁସରଣ କରୁଛନ୍ତି ସେ ସମ୍ବନ୍ଧରେ ଏଲନ୍ ମସ୍କଙ୍କଠାରୁ ସୂଚନା ମାଗିଥିଲେ । ଏହା ସହ ପ୍ଲାଟଫର୍ମ ମାଧ୍ୟମରେ ଭୁଲ ତଥ୍ୟ ବିସ୍ତାରକୁ ନେଇ ଚିନ୍ତା ପ୍ରକଟ କରିଥିଲେ ବ୍ରେଟନ୍ ।