ଗଛରୁ ପଡି ବାଳକ ମୃତ

ଓଡ଼ିଆ ନ୍ୟୁଜ,(ବ୍ୟୁରୋ):  ଗଛରୁ ପଡି ବାଳକ ମୃତ | ଠାକୁରମୁଣ୍ଡାରୁ 10 କିମି ଦୂର କେଶଡିହା ଗ୍ରାମରେ ୧୩ ତାରିଖ ଅପରାହ୍ନରେ ଗଛରୁ ପଡି ଯାଇ ଜଣେ ବାଳକ ମୃତ୍ୟୁବରଣ କରିଥିବା ଜଣାପଡିଛି l

ଘଟଣାରୁ ପ୍ରକାଶଯେ, କେଶଡିହା ଗ୍ରାମ ଗାଡାସାହିର ବାଗୁନ ହେମ୍ବ୍ରମ ରାଜ୍ୟ ବାହାରେ ରହି କାମ କରୁଛନ୍ତି l ଘରେ ତାଙ୍କର ସ୍ତ୍ରୀ ଏବଂ ୩ ସନ୍ତାନ ରହନ୍ତି l ଆଜି ବଡ଼ ପୁଅ ଶୁକୁରା ହେମ୍ବ୍ରମ (10) ଘରେ ଥିବା ବେଳେ ଅପରାହ୍ନରେ ଗୋଟିଏ ମହୁଲ ଗଛକୁ ଉଠିଥିଲା l ତେବେ ଅସାବଧାନତାରୁ ଶୁକୁରା ତଳକୁ ଖସି ପଡିଥିଲା l ସ୍ଥାନୀୟ ଲୋକ ତାକୁ ସଙ୍ଗେ ସଙ୍ଗେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆଣିଥିଲେ l

ମାତ୍ର ସେତେବେଳକୁ ତାର ପ୍ରାଣବାୟୁ ଉଡି ସାରିଥିଲା l ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ମହୁଲଡିହା ଥାନାରେ ଏ ସମ୍ପର୍କରେ କେଶ ନଂ ୧୫ /୨୦୨୩ ରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇ ଶବ ବ୍ୟବଛେଦ ନିମନ୍ତେ ଆନନ୍ଦପୁର ଉପଖଣ୍ଡ ଚିକିତ୍ସାଳୟ କୁ ପଠାଇବା ସହ ଅଧିକ ଅନୁସନ୍ଧାନ ଜାରି ରହିଛି l