ଜାମ୍ମୁ-କାଶ୍ମୀରର ପୂର୍ବତନ ରାଜ୍ୟପାଳଙ୍କ ଘରେ ସିବିଆଇ ରେଡ୍

ତେବେ ସୂଚନା ମୁତାବକ, ଗୁରୁବାର ସିବିଆଇ ଟିମ୍, ସତ୍ୟପାଲ୍ ମଲ୍ଲିକଙ୍କ ଦିଲ୍ଲୀ ବାସଭବନ ସହିତ ଜାମ୍ମୁ-କାଶ୍ମୀରର ୩୦ଟି ଠିକଣାରେ ପହଞ୍ଚି ଯାଞ୍ଚ କରୁଛି । ଏହି ମାମଲା କିସ୍ତଓ୍ବାଡ଼ର ଚେନାବ ନଦୀ ଉପରେ ପ୍ରସ୍ତାବିତ୍ କିରୁ ହାଇଡ୍ରୋ ଇଲେକ୍ଟ୍ରିକ୍ ପ୍ରୋଜେକ୍ଟ ଦୁର୍ନୀତି ସହିତ ଜଡ଼ିତ । ଏହି କାମ ପାଇଁ ୨୦୧୯ରେ ୨୨୦୦ କୋଟି ଟଙ୍କାର ସିଭିଲ୍ ଓ୍ବାର୍କ ଟେଣ୍ଡର ଦେବାକୁ ନେଇ ଦୁର୍ନୀତି ହୋଇଥିବା ଅଭିଯୋଗ ହୋଇଥିଲା ।ସୂଚନା ଅନୁଯାୟୀ, ସତ୍ୟପାଲ ମଲ୍ଲିକଙ୍କ ଉପରେ ଅଭିଯୋଗ ଲାଗିଛି କି, ସେ ରାଜ୍ୟପାଳ ଥିବା ସମୟରେ ଏହି ପ୍ରକଳ୍ପ ସମ୍ପର୍କିତ ଦୁଇ ଫାଇଲକୁ ମଞ୍ଜୁରୀ ଦେବା ପାଇଁ ୩୦୦ କୋଟି ଟଙ୍କା ଲାଞ୍ଚ ପାଇଁ ଦାବି କରିଥିଲେ । କେନ୍ଦ୍ରୀୟ ଯାଞ୍ଚ ବ୍ୟୁରୋ ଗତ ମାସରେ ଏହି ମାମଲାକୁ ନେଇ ଦିଲ୍ଲୀ ସହିତ ଜାମ୍ମୁ-କାଶ୍ମୀର ୮ଟି ସ୍ଥାନରେ ଯାଞ୍ଚ କରିଥିଲା । ରେଡ୍ ବେଳେ ସିବିଆଇ ୨୧ ଲକ୍ଷ ଟଙ୍କା ନଗଦ । ଏହାଛଡ଼ା କିଛି ଡିଜିଟାଲ୍ ଉପକରଣ, କମ୍ପ୍ୟୁଟର, ସମ୍ପତ୍ତି ଦସ୍ତାବିଜ୍ ଆଦି ଜବତ୍ କରିଥିଲା ।

ତେବେ ଏହା ପ୍ରଥମ ଘଟଣା ନୁହେଁ କି କିରୁ ଜଳ ବିଦ୍ୟୁତ୍ ପ୍ରକଳ୍ପ ମାମଲାରେ ସତ୍ୟପାଲ ମଲିକଙ୍କ ଘର ଉପରେ ସିବିଆଇ ଚଢ଼ାଉ କରିସାରିଛି। ଗତ ବର୍ଷ ମେ ମାସରେ ମଧ୍ୟ ସିବିଆଇ ସମାନ ମାମଲାରେ ୧୨ଟି ସ୍ଥାନରେ ଚଢ଼ାଉ କରିଥିଲା, ସେଥିମଧ୍ୟରୁ ସତ୍ୟପାଲ ମଲିକଙ୍କ ପୂର୍ବତନ ସହଯୋଗୀଙ୍କ ଘର ଅନ୍ୟତମ। ତଦନ୍ତକାରୀ ସଂସ୍ଥା ସତ୍ୟପାଲ ମଲିକଙ୍କ ମିଡିଆ ପରାମର୍ଶଦାତା ଥିବା ସାଉନାକ ବାଲିଙ୍କ ଘରେ ଚଢ଼ାଉ କରିଥିଲା।