ଐତିହାସିକ ନିଷ୍ପତ୍ତି ନେଇପାରନ୍ତି ପଞ୍ଜାବର ମୁଖ୍ୟମନ୍ତ୍ରୀ ଭାଗବନ୍ତ ମାନ! ଟ୍ୱିଟ୍ କରି ଦେଲେ ସୂଚନା

ବୁଧବାର ଦିନ ପଞ୍ଜାବର ମୁଖ୍ୟମନ୍ତ୍ରୀ ଭାବରେ ଆମ୍ ଆଦମୀ ଦଳର ନେତା ଭାଗବନ୍ତ ମାନ ସିଂ ଶପଥ ଗ୍ରହଣ କରିଛନ୍ତି। ପଞ୍ଜାବର ନୂତନ ମୁଖ୍ୟମନ୍ତ୍ରୀ ଭାଗବନ୍ତ ମାନ ରାଜ୍ୟର ଦାୟିତ୍ଵ ଗ୍ରହଣ କରିଛନ୍ତି। ଆଜି ବିଧାନସଭା ଅଧିବେଶନ ମଧ୍ୟ ଆରମ୍ଭ ହୋଇଛି। ଏଥିରେ ପ୍ରୋଟେମ୍ ସ୍ପିକର ବିଧାୟକଙ୍କୁ ଶପଥ ଗ୍ରହଣ କରାଉଛନ୍ତି। ଏହି ସମୟରେ ଭାଗବତ ମନ ଟ୍ୱିଟ୍ କରି କହିଛନ୍ତି ଯେ ସେ ପଞ୍ଜାବର ଲୋକଙ୍କ ସ୍ୱାର୍ଥରେ ଆଜି ଏକ ବଡ ନିଷ୍ପତ୍ତି ନେବେ। ଭାଗବନ୍ତ ମାନ ଟ୍ୱିଟରେ ଲେଖିଛନ୍ତି ଯେ ସେ ଏପରି ନିଷ୍ପତ୍ତି ନେବେ, ଯାହା ପଞ୍ଜାବ ଇତିହାସରେ ଆଜି ପର୍ଯ୍ୟନ୍ତ ନିଆଯାଇ ନାହିଁ। ତେବେ ନିଷ୍ପତ୍ତି କ’ଣ ହେବ ସେ ବିଷୟରେ ସେ ସ୍ପଷ୍ଟ ଭାବେ ଲେଖି ନାହାଁନ୍ତି। ସେ କେବଳ ଲେଖିଛନ୍ତି ଯେ ସେ ଏହାକୁ କିଛି ସମୟ ମଧ୍ୟରେ ଘୋଷଣା କରିବେ। ତେବେ କେବଳ ଦେଖିବାକୁ ବାକି ରହିଲା ସେ କଣ ଘୋଷଣା କରୁଛନ୍ତି।

ବର୍ତ୍ତମାନ ଆମ୍ ଆଦମୀ ପାର୍ଟିର ନୂତନ ସରକାରର ମନ୍ତ୍ରୀମାନେ ମାର୍ଚ୍ଚ ୧୯ ରେ ଶପଥ ଗ୍ରହଣ କରିବେ। ମନ୍ତ୍ରୀଙ୍କ ଶପଥ ଗ୍ରହଣ ସମାରୋହ ରାଜ ଭବନରେ ଅନୁଷ୍ଠିତ ହେବ। ଏହାପୂର୍ବରୁ ଆଜି ସମସ୍ତ ୧୧୭ ବିଧାୟକ ଶପଥ ଗ୍ରହଣ କରିବେ। ତେବେ ଭାଗବନ୍ତ ମାନ ଗତକାଲି ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଏହା ପରେ ସେ ପଞ୍ଜାବର ନାଗରିକ ସଚିବାଳୟରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଦାୟିତ୍ଵ ଗ୍ରହଣ କରିଥିଲେ।