ଓଡ଼ିଶା-ଝାଡଖଣ୍ଡ ସୀମାରେ ଗୁଳିକାଣ୍ଡ

ଓଡ଼ିଆ ନ୍ୟୁଜ,(ବ୍ୟୁରୋ): ଚମ୍ପୁଆ ନିକଟସ୍ଥ ଜୟନ୍ତୀଗଡ଼ରେ ଦୁର୍ବୃତ୍ତଙ୍କ ଗୁଳି ମାଡ଼ରେ ବ୍ୟବସାୟୀ ଆହତ | କେନ୍ଦୁଝର ଜିଲ୍ଲା ଚମ୍ପୁଆ ନିକଟସ୍ଥ ଝାଡଖଣ୍ଡ ରାଜ୍ୟ ଜୟନ୍ତୀଗଡରେ ଗୁଳିକାଣ୍ଡ ଘଟିଥିବା ବେଳେ ଏଥିରେ ଜଣେ ବ୍ୟବସାୟୀ ଅଳ୍ପକେ ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି। ଆହତ ବ୍ୟବସାୟୀ ବର୍ତ୍ତମାନ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।

ସୂଚନା ମୁତାବକ ଜୟନ୍ତୀଗଡ଼ ବାବୁସାହିର ସତ୍ୟଜିତ୍ କର ଗତ ରାତି ପ୍ରାୟ ୯ଟା ବେଳେ ଜୟନ୍ତୀଗଡ ମୁଖ୍ୟ ବଜାରରେ ଥିବା ନିଜର ଦୋକାନ ବନ୍ଦ କରି ଘରକୁ ଫେରୁଥିବା ବେଳେ ୨୦ ନଂ ଜାତୀୟ ରାଜପଥର ବାବୁସାହି ନିକଟରେ ଦୁଇ ଜଣ ଦୁର୍ବୁର୍ତ୍ତ ଏକ ବାଇକ୍ ରେ ଆସି ତାଙ୍କ ଉପରେ ଗୁଳି ଚଳାଇ ଥିଲେ । ଗୋଟିଏ ଗୁଳି ତାଙ୍କ ବାମ ହାତରେ ବାଜିଥିବା ବେଳେ ଆଉ ଏକ ଗୁଳି କାନ୍ଧରେ ବାଜିଥିଲା ।

ଗୁଳିଚାଳନା ପରେ ଦୁଇ ଦୁର୍ବୁର୍ତ୍ତ ପଲସର ବାଇକ ଯୋଗେ ଚମ୍ପୁଆ ଆଡକୁ ଫେରାର ହୋଇଯାଇଥିବା କୁହାଯାଉଛି ।ତାଙ୍କୁ ସଙ୍ଗେ ସଙ୍ଗେ ସେଠାରୁ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ପ୍ରାଥମିକ ଚିକିତ୍ସା କରାଯାଇଛି । ସୂଚନା ପାଇ ଝାଡଖଣ୍ଡ ଜଗନ୍ନାଥପୁର ଥାନାଧିକାରୀ ଶିବ ନାରାୟଣ ତିୱାରୀ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ପହଞ୍ଚି ଆହତଙ୍କୁ ପଚରାଉଚରା କରିବା ସହ ଘଟଣାର ତଦନ୍ତ ଆରମ୍ଭ କରିଥିବା ସୂଚନା ରହିଛି।