ସଡକ ଦୁର୍ଘଟଣା; ଜଣେ ଗୁରୁତର କଟକ ସ୍ଥାନାନ୍ତର

ଓଡ଼ିଆ ନ୍ୟୁଜ,(ବ୍ୟୁରୋ): ବାଲେଶ୍ୱର ଜିଲ୍ଲା ସୋର ଥାନା ୧୬ ନମ୍ବର ଜାତୀୟ ରାଜପଥ ଛପୋଲିଆ ନିଜଟରେ ଅଜଣା ଗାଡି ଧକାରେ କାର ଦୁର୍ଘଟଣାଗ୍ରସ୍ତ ହେବା ଫଳରେ ଜଣେ ଗୁରୁତ୍ତର ଆହତ ହୋଇ ବାଲେଶ୍ୱର ମେଡିକାଲକୁ ସ୍ଥାନାନ୍ତରିତ ହୋଇଥିବା ଜଣାଯାଇଛି।

ସୂଚନା ଅନୁସାରେ ଆଜି ରାତି ପ୍ରାୟ ୯ଟା ସମୟରେ ଭଦ୍ରକ ଅଞ୍ଚଳର ରବିନାରାୟଣ ନାୟକ ଓଡି ୧୧ଏଏଫ ୫୮୧୫ ନମ୍ବର ବିଶିଷ୍ଟ କାରରେ ତାଙ୍କ ଭଣଜା ଅଂଶୁମାନ ରାଉତ ଏବଂ ଭଉଣୀ ଭିଣୋଇଙ୍କୁ ନେଇ ବାରିପଦା ଅଭିମୁଖେ ଯାଉଥିବା ବେଳେ ୧୬ ନଂ ଜାତୀୟ ରାଜପଥ ଛପୋଲିଆ ନିକଟରେ ବିପରୀତ ଦିଗରୁ ଆସୁଥିବା ଏକ ଅଜଣା କଣ୍ଟେନର କାରକୁ ଧକା ଦେଇ ଫେରାର ହୋଇଯାଇଥିଲା। ଫଳରେ ଭାରସାମ୍ୟ ହରାଇ କାରଟି ଅନ୍ୟ ଏକ ଟ୍ରକକୁ ଧକା ଦେଇଥିଲା। ଏଥିରେ ଅଂଶୁମାନ ଗୁରୁତ୍ତର ଆହତ ହୋଇଥିବା ବେଳେ ଅନ୍ୟ ମାନେ ସାମାନ୍ୟ ଆହତ ହୋଇଥିଲେ।

ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ସୋର ମେଡିକାଲରେ ଭର୍ତ୍ତି କରିଥିବା ବେଳେ ଅଂଶୁମାନ ଗୁରୁତ୍ତର ଥିବାରୁ ପ୍ରାଥମିକ ଚିକିତ୍ସାପରେ ଡାକ୍ତର ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଛନ୍ତି। ତେବେ ଦୁର୍ଘଟଣା ଘଟିବା ପରେ ଜାତୀୟ ରାଜପଥ ଦୀର୍ଘ ସମୟ ପର୍ଯ୍ୟନ୍ତ ଜାମ୍ ହୋଇ ରହିଥିଲା।ଖବର ପାଇ ସୋର ପୁଲିସ ଘଟଣାସ୍ଥଳରେ ପହଞ୍ଚି ରାସ୍ତାରୁ ଜାମ୍ ହଟାଇବା ପରେ ଯାନ ବାହନ ଚଳାଚଳ ସ୍ୱାଭାବିକ ହୋଇଥିଲା।ସୋର ପୋଲିସ ଘଟଣାର ତଦନ୍ତ ଆରମ୍ଭ କରି ଦୁର୍ଘଟଣା ଘଟାଇ ଫେରାର ଥିବା କଣ୍ଟେନରକୁ ଧରିବାକୁ ଉଦ୍ୟମ କରୁଥିବା ସୂଚନା।