ଖୁବ୍ ଶୀଘ୍ର ବଲିଉଡରେ ଡେବ୍ୟୁ କରିବେ ଶିଖର
ମୁମ୍ବାଇ(ଓଡ଼ିଆ ନ୍ୟୁଜ୍): ଖୁବଶୀଘ୍ର ବଡ଼ ପରଦାରେ ଦମ୍ଦାର ଏଣ୍ଟ୍ରି କରିବେ ଭାରତର ତାରକା ବ୍ୟାଟ୍ସମ୍ୟାନ୍ ଶିଖର ଧାୱନ । ଚଳିତ ଆଇପିଏଲରେ ପଞ୍ଜାବ ପାଇଁ ଚମତ୍କାର ପ୍ରଦର୍ଶନ କରୁଛନ୍ତି ଶିଖର । ନିଜର ଭିନ୍ନ ଶୈଳୀର ବ୍ୟାଟି ପାଇଁ ବେଶ୍ ଲୋକପ୍ରିୟ ଶିଖର । ଏବେ ତାଙ୍କ ହାତରେ ଅଛି ବଲିଉଡ଼ର ବଡ଼ ପ୍ରୋଜେକ୍ଟ। ତେଣୁ କ୍ରିକେଟ୍ ଗ୍ରାଉଣ୍ଡ ପରେ ଏବେ ବଡ଼ ପରଦାରେ ନଜର ଆନନ୍ଦାଜ ହେବାକୁ ନିଜକୁ ପ୍ରସ୍ତୁତ କରୁଚନ୍ତି । ତେବେ ଶିଖରଙ୍କ ଏହି ଏଣ୍ଟ୍ରୀ ପାଇଁ ତାଙ୍କର ଫ୍ୟାନଙ୍କ ମଧ୍ୟରେ ବେଶ୍ ଉତ୍ସାହ ଦେଖାଦେଇଛି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଶିଖର ଧୱନ ଖୁବ୍ ଶୀଘ୍ର ବଲିଉଡ୍ରେ କରିବେ ଡେବ୍ୟୁ । ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ବୋଲି। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ସେ ଏହି ଫିଲ୍ମର ସୁଟିଂ ଶେଷ କରିଛନ୍ତି। ହେଲେ ଫିଲ୍ମର ନାମ ଏପର୍ୟ୍ୟନ୍ତ ଜଣାପଡିନାହିଁ । ଏହି ଚଳଚ୍ଚିତ୍ରରେ ଧାୱନଙ୍କ ଚରିତ୍ର ଗୁରୁତ୍ୱପୂର୍ଣ୍ଣ ହେବ ଏବଂ ଫିଲ୍ମ ଚଳିତ ବର୍ଷ ମୁକ୍ତିଲାଭ କରିପାରେ ବୋଲି କୁହାଯାଉଛି।